ဗောက်တွေသက်သာပျောက်ကင်းစေဖို့အတွက် အိမ်မှာအလွယ်တကူလုပ်နိုင်တဲ့ နည်းလမ်းကောင်း ၄ ခု

ဗောက်ထလို့ စိတ်ညစ်နေရတဲ့သူတွေအတွက် ဗောက်တွေသက်သာပျောက်ကင်းအောင် အိမ်မှာအလွယ်တကူလုပ်နိုင်တဲ့ နည်းလမ်းကောင်း ၄ ခုကို မျှဝေပေးလိုက်ပါတယ်။

Tea Tree Oil

အိမ်မှာ Tea Tree Oil ရှိတယ်ဆိုရင် ဒီနည်းလမ်းကို လုပ်နိုင်ပါတယ်။ Tea Tree Oil မှာက natural antifungal & antibacterial properties တွေပါဝင်တာကြောင့် ဗောက်တွေ သက်သာပျောက်ကင်းစေတယ်၊ ဦးရေပြားယားယံတာ သက်သာစေပါတယ်။ Tea Tree Oil ကို အုန်းဆီနဲ့ ရောမွှေပြီး ဦးရေပြားအနှံ့ပွတ်ကာ နှိပ်နယ်ပြီး လိမ်းပေးပါ။ ပြီးရင် ၅ မိနစ်၊ ၁၀ မိနစ်ထားပြီး ခေါင်းလျှော်လိုက်ရုံပါပဲ။

Apple Cider Vinegar

Apple Cider Vinegar ကို ရေနဲ့ရောပြီး spray ဘူးထဲထည့်ပါ။ ပြီးရင် ဦးရေပြားအနှံ့ဖြန်းပေးပြီး လက်ချောင်းလေးတွေနဲ့ နှိပ်နယ်ပေးပါ။ ပြီးရင်တော့ မိနစ်အနည်းငယ်ထားပြီး ခေါင်းလျှော်လိုက်ရုံပါပဲ။ ဒီနည်းလမ်းကလည်း ဗောက်တွေ အမြန်ဆုံး သက်သာပျောက်ကင်းစေပါတယ်။

ရှားစောင်းလက်ပတ်

ရှားစောင်းလက်ပတ်မှာကလည်း anti-inflammatory properties ပါဝင်လို့ ဦးရေပြားယားယံတာနဲ့ ဗောက်ထတာတွေကို သက်သာပျောက်ကင်းစေပါတယ်။ ရှားစောင်းလက်ပတ်ရဲ့ အတွင်းသား gel ကို ခြစ်ယူပြီး ဦးရေပြားကို တိုက်ရိုက်ပွတ်ပေးရမှာပါ။ ပြီးရင် မိနစ် ၃၀ ထားပြီးမှ ခေါင်းလျှော်ပေးပါ။

တမာ

တမာမှာကလည်း natural antibacterial properties တွေပါဝင်တာကြောင့် ဦးရေပြားမှိုဖြစ်တာ၊ ဗောက်ထတာ၊ ယားယံတာတွေကို အမြန်ဆုံး သက်သာပျောက်ကင်းစေပါတယ်။ တမာရွက်ကို ရေနဲ့ပြုတ်ပြီး ပွတ်ပွတ်ဆူလာရင် အရည်ကို အအေးခံထားပါ။ ပြီးရင် အဲ့အရည်နဲ့ ခေါင်းလောင်းချပြီး ခေါင်းလျှော်ရမှာပဲ ဖြစ်ပါတယ်။
ကိုယ်အဆင်ပြေတဲ့ နည်းလမ်းတစ်မျိုးကို ရွေးလုပ်ပေးရင် ရပါပြီ။ တစ်ပတ်တစ်ကြိမ် ပုံမှန်လုပ်ပေးတာပဲဖြစ်ဖြစ်၊ ခေါင်းလျှော်တဲ့ရက်တိုင်းမှာ လုပ်ပေးတာပဲဖြစ်ဖြစ် လုပ်ပေးသွားမယ်ဆိုရင် ဗောက်တွေ သက်သာပျောက်ကင်းလာမှာ သေချာပါတယ်။