နှုတ်ခမ်းနီတစ်မျိုးထဲနဲ့ မိတ်ကပ်ပြင်မယ်ဆိုရင် မဖြစ်မနေဆောင်ထားသင့်တဲ့ နှုတ်ခမ်းနီအရောင် ၄ မျိုး

နှုတ်ခမ်းနီတစ်မျိုးထဲနဲ့ မိတ်ကပ်ပြင်တာက အချိန်ကုန်သက်သာပြီး အလွယ်တကူ ပြင်လို့ရတာက အားသာချက်ပါပဲ။ ဒီလို နှုတ်ခမ်းနီတစ်မျိုးထဲနဲ့ မိတ်ကပ်ပြင်မယ်ဆိုရင်တော့ ဒီနှုတ်ခမ်းနီအရောင် ၄ မျိုးကို မဖြစ်မနေဆောင်ထားသင့်ပါတယ်။

အနီရောင်

အနီရောင်သာရှိမယ်ဆိုရင် နှုတ်ခမ်းနီဆိုးလိုက်တာနဲ့ မျက်နှာလေးထင်းပြီး လှနေမှာပါ။ ဒါ့အပြင် Eyeshadow အတွက်လည်း သုံးလို့ရသလို ပါးနီအတွက်လည်း သုံးလို့ရတဲ့အတွက် အရမ်းအဆင်ပြေပါတယ်။ မရှိမဖြစ်ကို ဝဝ်ထားသင့်တဲ့အရောင်ပါပဲ။

ပန်းရောင်

မိန်းကလေးဆန်တဲ့ Look လေးတွေ ပြင်ချင်တဲ့အခါမှာတော့ ပန်းရောင်ဘက်သွားတဲ့ နှုတ်ခမ်းနီလေးဆိုးပြီး Eyeshadow နဲ့ ပါးနီအတွက်ပါ တစ်ခါထဲသုံးလိုက်လို့ရပါတယ်။

လိမ္မော်ရောင်

Peach Look လေးတွေပြင်တာက Everyday Makeup Look အနေနဲ့ အရမ်းအဆင်ပြေပါတယ်။ ဒါကြောင့် လိမ္မော်ရောင်ဘက်သွားတဲ့ နှုတ်ခမ်းနီကလည်း မဖြစ်မနေ ဝယ်ထားသင့်ပါတယ်။ နှုတ်ခမ်းနီအနေနဲ့ ဆိုးလိုက်ရင်လည်း အသားဆောင်ပြီး မျက်နှာလေးဝင်းသွားစေပါတယ်။ Peach Makeup Look အတွက် Eyeshadow ခြယ်ပြီး ပါးနီခြယ်လို့လည်း ရပါတယ်။

အညိုရောင်

အညိုရောင်နှုတ်ခမ်းနီနဲ့ Eyeshadow ခြယ်တာက ငြိမ်တဲ့ Makeup Look လေးတွေ ပြင်တဲ့အခါမှာ အရမ်းအဆင်ပြေသလို သူလည်း Everyday Makeup Look အတွက် အဆင်ပြေပါတယ်။ အဝတ်အစားဖက်ရှင် မျိုးစုံနဲ့လည်း လိုက်ဖက်ပါတယ်။ ပါးနီအတွက်တော့ သိပ်အဆင်မပြေပေမယ့် Contour အနေနဲ့လည်း သုံးလို့ရပါသေးတယ်။

ဒီတော့ ဒီ နှုတ်ခမ်းနီအရောင် ၄ မျိုးသာရှိထားရင် အရမ်းအဆင်ပြေတယ်နော်။