Hair Extension လုပ်တာကလည်း ခဏခဏဆို မကောင်းပါဘူး။ တစ်ခါတစ်လေ လုပ်တာတောင်မှ ဆံသားနာပါတယ်။ Hair Extension လုပ်ဖို့စဉ်းစားနေတယ်ဆိုရင် သေချာဆုံးဖြတ်လို့ရအောင် Hair Extension လုပ်တဲ့အခါမှာ ဖြစ်လာနိုင်တဲ့အရာတွေကို သိထားနိုင်ဖို့အတွက် ပြောပြပေးလိုက်ပါတယ်။
ဆံသားကျိုးစေခြင်း
Hair Extension လုပ်တာက Quality ညံ့တဲ့အခါ၊ အရမ်းလေးနေတဲ့အခါ သဘာဝဆံသားကို တင်းမာပြီးကွဲစေတာ၊ ကျိုးစေတာမျိုါ်တွေ ဖြစ်စေပါတယ်။
ဦးရေပြားယားယံစေခြင်း
ဆံပင်တွေကို တင်းကျပ်နေအောင် တပ်ထားတဲ့အတွက် ဦးရေပြားမသက်မသာ ဖြစ်တာမျိုး၊ ယားယံတာမျိုးတွေ ဖြစ်တတ်ပါတယ်။
ဆံပင်ကျွတ်စေခြင်း
Hair Extension လုပ်တာက ဆံသားနာပြီး ဆံပင်ကျွတ်တာတွေလည်း ဖြစ်စေပါတယ်။ Extension လုပ်ထားတာကို ပြန်ဖြုတ်တဲ့အခါမှာလည်း ဆံပင်ကျွတ်တာမျိုး ဖြစ်တတ်ပါတယ်။ ဒါကြောင့် မဖြစ်မနေ ဆံပင်ဆက်ရမှာမျိုးမဟုတ်ရင် တတ်နိုင်သလောက် ဒီတိုင်းပဲထားတာ ကောင်းပါတယ်။
ဦးရေပြားပိုးဝင်ခြင်း
မသန့်ရှင်းတဲ့အခါမှာလည်း ဦးရေပြားပိုးဝင်တာတွေက ဖြစ်တတ်ပါသေးတယ်။ ဒါကြောင့် ဘာကိုပဲလုပ်လုပ် သေချာစဉ်းစားပြီးမှ လုပ်တာတော့ အကောင်းဆုံးပါပဲ။
Allergic ဖြစ်ခြင်း
တချို့ ဆံပင်ဆက်တဲ့နေရာမှာ အသုံးပြုတဲ့ ကော် (သို့) တခြားပစ္စည်းတွေ အထူးသဖြင့် သဘာဝဆံပင်မဟုတ်ပဲ Synthethic Hair တွေကြောင့် ဦးရေပြား Allergic ဖြစ်တာမျိုး၊ အသားအရေ Sensitive ဖြစ်တဲ့သူဆိုရင် မျက်နှာနဲ့ ဂုတ်၊ လည်ပင်းတွေမှာပါ Allergic ထတာမျိုးတွေအထိ ဖြစ်တတ်ပါသေးတယ်။
