ဖက်ရှင်ကိုဦးစားပေးတဲ့မိန်းကလေးတိုင်းအတွက် ရှိထားသင့်တဲ့ အိတ်အမျိုးအစား ၆ မျိုး

ဖက်ရှင်ကို ဦးစားပေးတဲ့ မိန်းကလေးတွေအတွက် အိတ်လေးတွေကိုင်တဲ့အခါမှာလည်း ကိုယ့်ဝတ်ထားတဲ့ ဖက်ရှင်နဲ့ လိုက်ဖက်မှုရှိအောင် ဘယ်အချိန်ကြည့်ကြည့်ဖက်ရှင်ကျ လှပနေအောင် အဓိကအနေနဲ့ ရှိထားသင့်တဲ့ အိတ်အမျိုးအစား ၆ မျိုးရှိပါတယ်။ ဝယ်နိုင်ရင်ဝယ်နိုင်သလောက် အများကြီးဝယ်လိုရပေမယ့် တကယ်လိုအပ်တာတော့ ဒီ ၆ မျိုးဆိုရင် ရပါပြီ။

Cross Body Bag

အဝတ်အစားတော်တော်များများနဲ့ လိုက်ဖက်ပြီး အနေတော်ပုံစံဆိုဒ်လေးလည်း ဖြစ်တာကြောင့် အရမ်းအဆင်ပြေပါတယ်။ မြန်မာဝတ်စုံနဲ့ပဲဖြစ်ဖြစ်၊ ဘောင်းဘီ၊ စကပ် အတိုအရှည် အားလုံးနဲ့ လိုက်ဖက်ပါတယ်။ ဒါကြောင့် မရှိမဖြစ်အိတ်စာရင်းထဲတောင် ထည့်ထားလို့ရပါတယ်။

Mini Bag

အခုနောက်ပိုင်းမှာတော့ Mini Bag လေးတွေက အရမ်းကိုခေတ်စားနေတာပါ။ ဒါကြောင့် တစ်လုံးလောက်ဝယ်ထားရင် မမှားပါဘူး။ Mini Bag လေးတွေကလည်း အဝတ်အစားတိုင်း တော်တော်များများနဲ့ လိုက်ဖက်ပါတယ်။

Shoulder Bag

Shoulder Bag ကလည်း အခုနောက်ပိုင်းမှာ အရမ်းခေတ်စားနေတာပါ။ ရုံးတက်အတွက်လည်း အဆင်ပြေသလို အပြင်ထသွားထလာအတွက်လည်း အဆင်ပြေပါတယ်။ Shoulder Bag က အဝတ်အစားမရွေး လိုက်ဖက်ပါတယ်။

Tote Bag

Tote Bag ကျတော့ သင်တန်းသွားတာအခါနဲ့ ခရီးသွားတဲ့အခါမှာ အရမ်းအသုံးဝင်ပါတယ်။ အပြင်သွားတဲ့အခါ ထည့်သွားစရာတွေများနေရင်လည်း လက်ကနေ ဘာမှကိုင်နေစရာမလိုအောင် Tote Bag လေးလွယ်သွားရင် တော်တော်အဆင်ပြေနေပါပြီ။ အဝတ်သား Tote Bag လေးတွေဆိုရင် ကိုရီးယားစတိုင်လ်လေးဖြစ်လို့ လူငယ်ကောင်မလေးတွေ အကြိုက် ဖက်ရှင်ပါပဲ။

Backpack

Backpack အသေးလေးတွေဆိုရင် ထသွားထလာ လွယ်လို့အဆင်ပြေသလို ခရီးသွားရင်လည်း လွယ်လို့အဆင်ပြေပါတယ်။ တစ်ခါတစ်လေကျရင် Backpack လေးလွယ်တာက ပိုချစ်ဖို့ကောင်းပါတယ်။ ဒါကြောင့် တစ်လုံးလောက်တော့ ရှိထားသင့်ပါတယ်။

Wallet

Wallet ကတော့ ပိုက်ဆံထည့်ရမှာဖြစ်တဲ့အတွက် မရှိမဖြစ်လိုအပ်တာပေါ့။ ပွဲတက်ရတာတွေ ရှိတတ်တဲ့သူမျိုးဆိုရင် ပုံမှန်အမြဲထည့်မယ့် Wallet လေးတစ်လုံးရယ်၊ ပွဲတက်ကိုင်ဖို့ Wallet လှလှလေးရယ် ရှိထားရင် ပိုကောင်းပါတယ်။