ဝက်ခြံထွက်လွယ်တဲ့အသားအရေရှိသူတွေရွေးချယ်သင့်တဲ့ အကောင်းဆုံး မျက်နှာသစ်ဆေး (၅) မျိုး

မင်္ဂလာပါ ပျိုမေတို့ရေ။ ဝက်ခြံခဏခဏထွက်လို့ စိတ်ရှုပ်နေရတဲ့သူတွေရှိလား။ ဝက်ခြံပြဿနာ အမြန်ဆုံး သက်သာဖို့အတွက် ကိုယ်သုံးတဲ့ မျက်နှာသစ်ဆေး ရွေးချယ်မှုမှန်ဖို့က အရမ်းအရေးကြီးပါတယ်။ ဝက်ခြံသမားတွေအတွက် သီးသန့်ထုတ်ထားတဲ့ Cleanser တွေသုံးတာက ချွေးပေါက်ထဲထိ အဆီနဲ့ဖုန်တွေ သန့်စင်စေလို့ ချွေးပေါက်ပိတ်ပြီး ဝက်ခြံထွက်တာတွေမဖြစ်အောင် ကာကွယ်ပြီးသားဖြစ်မှာပါ။ ဒါပေမယ့် ဒီလိုသန့်စင်တဲ့အခါမှာလည်း အသားခြောက်သွားတာ၊ Sensitive ဖြစ်သွားတာမျိုး မရှိအောင် အာနိသင်မပြင်းတဲ့ မျက်နှာသစ်ဆေးမျိုး ရွေးသုံးတတ်ဖို့လိုပါတယ်။ ဒါကြောင့်မို့ ဒီတစ်ခေါက်မှာ ဝက်ခြံထွက်လွယ်သူတွေနဲ့ အဆင်ပြေမယ့် မျက်နှာသစ်ဆေးအချို့ကို ဖော်ပြပေးလိုက်ပါတယ်။

Cetaphil Oily Skin Cleanser

Cetaphil Cleanser လေးက အာနိသင်နူးညံ့တာမို့ လူကြီး၊ လူငယ်မရွေးသုံးနိုင်ပြီး အသားအရေ ခြောက်သွေ့ခြင်းမဖြစ်စေဘဲ မျက်နှာပေါ်က မလိုအပ်တဲ့အဆီနဲ့ အညစ်အကြေးတွေကို ဖယ်ရှားပေးမှာပါ။

Neutrogena Oil-Free Acne Face Wash

နာမည်ကြီး Neutrogena တံဆိပ်ဖြစ်တဲ့ ဒီမျက်နှာသစ်ဆေးကတော့ Oil-Free ဖြစ်တဲ့အပြင် Salicylic Acid ပါတာမို့ မျက်နှာအသားအရေမခြောက်သွေ့စေဘဲ ဝက်ခြံဖုတွေကို ပြားချပ်စေမှာပါ။ စိမ့်ဝင်လွယ်တာမို့ ချွေးပေါက်အတွင်းပိုင်းထိ သန့်စင်ပေးပြီး ဝက်ခြံနောက်ထပ်မထွက်အောင် ထိန်းပေးမှာပါ။

Bioré Charcoal Acne Clearing Cleanser

ဒီ Bioré မျက်နှာသစ်ဆေးမှာလည်း Salicylic Acid အပြင် ချွေးပေါက်ထဲထိ သန့်စင်ပေးပြီး Breakout ထပ်မဖြစ်အောင် ကာကွယ်ပေးနိုင်တဲ့ အာနိသင်တွေပါဝင်တာမို့ ဝက်ခြံသမားတွေအတွက် အရမ်းသင့်တော်ပါတယ်။

CeraVe Renewing SA Cleanser

အရေပြားဆရာဝန်တွေကိုယ်တိုင် ဝက်ခြံသမားတွေအတွက် ညွှန်းထားတဲ့ Cleanser တစ်မျိုးဖြစ်ပြီး ဝက်ခြံနဲ့ ကျန်ခဲ့တဲ့ဝက်ခြံအမာရွတ်တွေကိုပါ သိသိသာသာပါးပြီး သက်သာစေမှာပါ။ ချွေးပေါက်ကျယ်တာနဲ့ ဆားဝက်ခြံတွေကိုပါ လျှော့ချပေးနိုင်တာကိုလည်း တွေ့ရပါလိမ့်မယ်။

The Derma Co 3% AHA-BHA Foaming Face Wash

နောက်ထပ် အဆီမပါတဲ့ဒီ Face Wash ကတော့ အသားအရေ Dry မဖြစ်စေဘဲ ဝက်ခြံတွေကို ဖယ်ရှားပေးမယ့်အပြင် သူ့ရဲ့အာနိသင်က ဆဲလ်သေတွေကိုပါ ဖယ်ရှားပေးလို့ အရွယ်မတိုင်ခင် အရေးအကြောင်းမထွက်ဖို့ တားဆီးပြီးသားဖြစ်ပါလိမ့်မယ်။