ဆံပင်တွေ ကြွပ်ဆတ်ကျိုးကြေပြီး အဖျားနှစ်ခွဖြစ်လာရင် အများစုက ညှပ်လိုက်ကြပါတယ်။ ဒါပေမယ့် မညှပ်ချင်ဘူးဆိုတော့ ဒီနည်းတွေကို စမ်းကြည့်ပါ။ အဖျားနှစ်ခွဖြစ်ပြီး ကျိုးကြေနေတဲ့ဆံပင်ကို သက်သာစေဖို့ ကူညီပေးပါလိမ့်မယ်။
သင်္ဘောသီး
သင်္ဘောသီးမှည့်ကို ချေပြီး ဆံပင်ကိုလိမ်းပေးပါ။ တစ်နာရီလောက်နေပြီးမှ ရေနဲ့လျှော်ပေးပါ။
ပျားရည်
သဘာဝပျားရည်ကို ဆံပင်နဲ့ ဦးရေပြားပေါ် လိမ်းပေးပါ။ ဆံသားပေါ် နာရီဝက်လောက်ထားပြီး ခေါင်းလျှော်အပျော့နဲ့ လျှော်ပေးပါ။
ထောပတ်သီး
ထောပတ်သီးအဆီကို ဦးရေပြားနဲ့ ဆံပင်ပေါ်လိမ်းပြီး နှိပ်ပေးပါ။ ခေါင်းလျှော်ရည် အပျော့စားနဲ့ မလျှော်ခင် တစ်နာရီလောက် ထားလိုက်ပါ။ တစ်ပတ်မှာ အနည်းဆုံး နှစ်ကြိမ် လိမ်းပေးပါ။
သံလွင်ဆီ
သံလွင်ဆီ ၂ ဇွန်း၊ ပျားရည် ၁ ဇွန်းကို ကြက်ဥအနှစ် ၁ လုံးနဲ့ ရောပြီး ဆံပင်ပေါ်လိမ်းပေးပါ။ ခေါင်းကို Shower Cap နဲ့ မိနစ် 30 လောက် အုပ်ထားပြီးမှ ခေါင်းလျှော်ရည် အပျော့စားနဲ့ လျှော်ပါ။
ဗာဒံဆီ
ညအိပ်ခါနီး ရေနွေးနည်းနည်းရောထားတဲ့ ဗာဒံဆီကို လိမ်းပြီး တစ်ညလုံးထားလိုက်ပါ။ မနက်မှ ခေါင်းလျှော်ရည်အပျော့စားနဲ့ ခေါင်းလျှော်လိုက်ပါ။
