မိန်းကလေးတိုင်း အားကျရတဲ့ ခန္ဓာကိုယ်ပိုင်ရှင်လေး Zhang Yuxi ရဲ့ ဖက်ရှင်များ

ဟယ်လို MyStyle Myanmar ပရိတ်သတ်တို့ရေ..အနုပညာရှင်တို့ရဲ့ ဖက်ရှင်ကဏ္ဍကို မတင်ဆက်ပေးတာ ကြာနေပြီဖြစ်လို့ အခုတစ်ခေါက် ရွေးချယ်ပေးထားတဲ့ အနုပညာရှင်ကတော့ မြန်မာပရိတ်သတ်တွေနဲ့ မစိမ်းလောက်မယ့် တရုတ်မင်းသမီးလေး Zhang Yuxi ပဲ ဖြစ်ပါတယ်။

Zhang Yuxi ကိုတော့ Yci လို့လည်း ခေါ်ကြပြီးတော့ ၁၉၉၉ ခုနှစ် ဇန်နဝါရီလ ၂၉ ရက်နေ့မှာ မွေးဖွားခဲ့တာဖြစ်ပါတယ်။ ပိန်ပိန်သွယ်သွယ် ခန္ဂာကိုယ်သေးသေးလေးရှိတဲ့ သူမကတော့ အရပ် ငါးပေနဲ့ ခြောက်လက်မ ရှိပါတယ်။

၂၀၀၉ ခုနှစ်မှာ Rayli Kanebo Beauty Competition မှာ အနိုင်ရရှိခဲ့ပြီး ၂၀၁၃ ခုနှစ်မှာတော့ နန်းတွင်းဇာတ်ကားဖြစ်တဲ့ Man Comes to Tang Dynasty နဲ့ ပွဲဦးထွက်ခဲ့ပါတယ်။ ထိုမှတဆင့် သိုင်းဇာတ်ကား The Taking of Tiger Mountain နဲ့ လူငယ်အချစ်ဇာတ်ကား Forever Young တို့မှာ ဆက်လက်ပါဝင်လာခဲ့ပါတယ်။

၂၀၁၆ ခုနှစ်မှာတော့ အချစ်ဟာသဇာတ်လမ်းတွဲ My Little Princess နဲ့ အတွဲဆက်ဖြစ်တဲ့ Dear Prince တို့နဲ့ လူသိများလာခဲ့ပါတယ်။ ဒါ့အပြင် I Cannot Hug You ဇာတ်ကားနဲ့လည်း ပရိတ်သတ်တွေ ပိုမိုရရှိလာခဲ့ပါသေးတယ်။

သူမပါဝင်သရုပ်ဆောင်ထားတဲ့ နောက်ဇာတ်လမ်းတွဲတွေကတော့ Ruyi’s Royal Love in the Palace, Please Give Me a Pair of Wings, White Fish Girl, Intense Love, Love and Redemption, Stand By Me, Love at Night, South Wind Knows My Mood တို့ပဲ ဖြစ်ပါတယ်။