ဝက်ခြံကြောင့်ဖြစ်ရတဲ့ အမည်းစက်တွေကို ဖယ်ရှားပေးနိုင်တဲ့ အိမ်တွင်းကုထုံးများ

မျက်နှာပေါ်က အမည်းစက်တွေက အလှကြိုက်တဲ့မိန်းကလေးတွေအတွက် တကယ့်ပြဿနာပါပဲ။ အမည်းစက်တွေဖြစ်လာရတဲ့ အကြောင်းအရင်းတွေ အများကြီးရှိပါတယ်။ အဖြစ်အများဆုံးကတော့ ဝက်ခြံကြောင့်ဖြစ်တာပါ။ ဒီအမည်းစက်တွေကို လျှော့ချပေးနိုင်ဖို့အတွက် ထိရောက်တဲ့ သဘာဝကုထုံးတွေ ရှိပါတယ်။

သင်္ဘောသီး

မျက်နှာက အမည်းစက်ရှိတဲ့နေရာတွေကို သင်္ဘောသီးနဲ့ပွတ်ပေးပါ။ ခြောက်သွားပြီဆိုမှ ရေနဲ့ဆေးချပါ။ ဒါက အသားအရေအမျိုးအစားအားလုံးအတွက် သင့်လျော်ပါတယ်။

နနွင်း

နနွင်းမှုန့် စားပွဲတင်ဇွန်း ၅ ဇွန်းနဲ့ နွားနို့ ၁၀ ဇွန်းတို့ကို ရောပြီး မျက်နှာအနှံ့ လိမ်းပေးပါ။ မျက်နှာကို ညင်သာစွာ နှိပ်ပြီး မိနစ် 20 အကြာမှာ ရေနွေးနွေးလေးနဲ့ ဆေးချလိုက်ပါ။

ရှားစောင်းလက်ပတ်

ရှားစောင်းလက်ပတ်မှာ အမည်းစက်တွေကို ထိထိရောက်ရောက် သက်သာစေနိုင်တဲ့ mucilaginous polysaccharides တွေ ပါဝင်ပါတယ်။ ရှားစောင်းလက်ပတ်ကို မျက်နှာပေါ်မှာလိမ်းပြီး ၁၅ မိနစ်လောက်ထားလိုက်ပါ။ ပြီးမှ ရေနွေးနွေးလေးနဲ့ ဆေးချလိုက်ပါ။

အာလူး

လတ်လတ်ဆတ်ဆတ် လှီးထားတဲ့ အာလူးတစ်ခြမ်းနဲ့ အမည်းစက်ရှိတဲ့နေရာတွေကို ပွတ်ပေးပါ။ နေ့တိုင်း လုပ်ပေးလို့ရပါတယ်။

ခရမ်းချဉ်သီး

အသားအရေတင်းရင်းစေတဲ့ ဂုဏ်သတ္တိရှိတဲ့ ခရမ်းချဉ်သီးကို ဒိန်ချဉ်နဲ့ရောပြီး မျက်နှာပေါ်မှာလိမ်းပေးပါ။ 15-20 မိနစ်လောက်ထားပြီး မျက်နှာကို ညင်သာစွာ နှိပ်ပေးပါ။ ပြီးမှ ရေဆေးချပါ။ တစ်ပတ်လျှင် နှစ်ကြိမ် ပြုလုပ်ပေးပါ။