စကပ်အတို ၊ ဘောင်းဘီအတိုလေးတွေဝတ်ချင်ပေမယ့် ခြေထောက်က အမာရွတ်နဲ့ အမည်းစက်တွေကြောင့် ယုံကြည်မှုပျောက်နေရင် အကုန်ကျသက်သာပြီး အိမ်မှာတင်လုပ်လို့ရတဲ့ ဒီနည်းလမ်းတွေကို လုပ်ကြည့်ပါ ။
Apple Cider Vinegar
ပန်းသီးရှာလကာရည် စားပွဲတင်ဇွန်း ၂ ဇွန်းကို ရေ ၆ ဇွန်းနဲ့ ရောမွှေပါ။ ပြီးရင် ဂွမ်းစလေးတစ်ခုနဲ့ ခြေထောက်ပေါ်က အစက်အပြောက်နဲ့အမာရွတ်အားလုံးကို လိမ်းပေးပါ။ ပြီးမှ အစိုဓာတ်ပါတဲ့ Lotion လိမ်းပေးပါ။ ဒီနည်းလမ်းက Normal နဲ့ Dry Skin သမားတွေအတွက်အဆင်ပြေနိုင်ပေမယ့် ထိခိုက်လွယ်တဲ့ အသားအရေပိုင်ရှင်တွေကိုတော့ မသုံးစေချင်ပါဘူး။
Sugar Scrub
သကြား စားပွဲတင်ဇွန်း 2 ဇွန်း နဲ့ သံလွင်ဆီ 4 ဇွန်းကို ရောမွှေပြီး ခြေထောက်တွေကို စက်ဝိုင်းပုံစံ ပွတ်ပေးပါ။ ပြီးမှ ရေနဲ့ပြန်ဆေးပေးပါ။ ဒါကို နေ့တိုင်းလုပ်ပေးပါ။ ဒီနည်းလမ်းက ထိခိုက်လွယ်တဲ့ အသားအရေပိုင်ရှင်တွေပါ သုံးလို့ရပါတယ်။
Lemon
အသားအရေကို ကြည်လင်တောက်ပစေတဲ့ ဂုဏ်သတ္တိရှိပြီး ဗီတာမင် C ကြွယ်ဝတဲ့ သံပရာသီးကို ဇလုံတစ်ခုယူပြီး သံပုရာရည် လတ်လတ်ဆတ်ဆတ် ညှစ်လိုက်ပါ။ ဂွမ်းစလေးတစ်ခု ဒါမှမဟုတ် နားကြပ်တံလေးနဲ့ ခြေထောက်က အမာရွတ်နဲ့အမဲစက်တွေကို လိမ်းပေးပါ။ ဒါကို နေ့တိုင်းလုပ်ပေးပါ။
Cucumbers
အမဲစက်တွေကို ဖယ်ရှားပေးနိုင်တဲ့ Antioxidants နဲ့ ဗီတာမင်များစွာ ပါဝင်တဲ့ သခွားသီးကို အခွံခွာလိုက်ပါ။ ပြီးရင် Rose Water ၂ ဇွန်း ရောထည့်ပြီး ချေလိုက်ပါ။ အမဲစက်ရှိတဲ့နေရာကို လိမ်းပြီး ပုံမှန်ရေနဲ့ဆေးချပါ။
