တစ်လအတွင်းဝိတ်ကျစေဖို့အတွက် လုပ်ဆောင်ရမယ့်အချက် ၅ ချက်

ဝိတ်ကျချင်တယ်ဆိုရင် ပျင်းနေလို့မရပါဘူး။ မြန်မြန်ကျချင်လေ အရာရာကို ဂရုစိုက်ပေးရမယ့်အပြင် လေ့ကျင့်ခန်းလည်း လုပ်ဖို့လိုပါတယ်။ တစ်လအတွင်းဝိတ်ကျစေဖို့အတွက် လုပ်ဆောင်ရမယ့်အချက် ၅ ချက်ပဲ ရှိပါတယ်။

Calories တွက်ပြီးစားပါ

အစားအသောက်စားတဲ့အခါမှာ ဒီတိုင်းမစားပဲနဲ့ အရာရာကို Calories တွက်ပြီးစားပါ။ ဒါဆိုရင် အစားအသောက်ကို ချိန်ပြီးစားဖြစ်သွားတဲ့အတွက် အဆီတက်တာမျိုးတွေလည်း မဖြစ်တော့ဘူး။ ဝိတ်ထိန်းပြီးသားလည်း ဖြစ်တယ်၊ ဝိတ်လည်းကျစေပါတယ်။

အသီးအရွက်များများစားပါ

အဆီအဆိမ့်တွေစားမယ့်အစား အသီးအရွက်တွေကို များများစားပေးပါ။ အသီးအရွက်များများစားပေးရင် အသားအရေလှသလို ဝိတ်လည်းကျစေပါတယ်။

အစာကိုဖြေးဖြေးချင်းစားပါ

အစာကို မြန်မြန်စားတာက ပိုပြီးစားဖြစ်ပါတယ်။ ဒီတော့ အခုကစပြီး အကျင့်လုပ်ပါ။ အစာကို ဖြေးဖြေးချင်းစီ ဝါးစားပါ။ ဒါဆိုရင် အစားစားဖြစ်တဲ့ပမာဏကလည်း အရင်ထက်လျော့ကျသွားပါလိမ့်မယ်။

အိပ်ရေးဝအောင်အိပ်ပါ

အိပ်ရေးပျက်ရင်လည်း ဟော်မုန်းဓာတ်တွေမညီတော့ပဲ အရမ်းဝလာတာ၊ အရမ်းပိန်သွားတာမျိုးတွေ ဖြစ်တတ်သလို၊ ကျန်းမာရေးလည်း ထိခိုက်စေပါတယ်။ ဒီတော့ အိပ်ရေးဝအောင် အိပ်ဖို့ကလည်း အရေးကြီးပါတယ်။

Exercise Plan ထားပြီးလုပ်ပါ

နောက်ဆုံးတစ်ချက်ကတော့ Exercise Plan လုပ်ပါ။ သေချာလေး Plan ချပြီး တစ်လလောက် အားစိုက်ထုတ်ပြီး လုပ်ကြည့်ပါ။ အပေါ်ကအချက်တွေလည်း လုပ်တယ်၊ Exercise ကိုလည်း Plan ချပြီး သေချာလုပ်တယ်ဆိုရင် တစ်လအတွင်းမှာ သိသိသာသာ ဝိတ်ကျလာပါလိမ့်မယ်။