အလှအပကြိုက်တယ်ဆိုပြီး အပေါ်ယံလှအောင် မိတ်ကပ်တွေပဲ ပြင်နေလို့မရပါဘူး။ အမြဲတမ်းလှပနေဖို့အတွက် အလှအပကြိုက်တဲ့ မိန်းကလေးတိုင်း ပုံမှန်ဂရုတစိုက်လုပ်ပေးသင့်တဲ့ အချက် ၅ ချက်ကို ပြောပြပေးချင်ပါတယ်။
တစ်ကိုယ်ရည်သန့်ရှင်းရေး
အရေးအကြီးဆုံးက တစ်ကိုယ်ရည်သန့်ရှင်းရေးပါပဲ။ တစ်ကိုယ်ရည်သန့်ရှင်းမှုမရှိရင် ချွေးနံ့ထွက်တာ၊ ဂျိုင်းနံ့နံတာ၊ ကိုယ်သင်းနံ့မကောင်းတာမျိုးတွေ ဖြစ်လာပါလိမ့်မယ်။ ဒါကြောင့် တစ်ကိုယ်ရည်သန့်ရှင်းရေးကို အမြဲဂရုတစိုက်လုပ်ပေးပါ။
Skincare
အလှကြိုက်ရင်တော့ မိတ်ကပ်တွေပဲလိမ်းမယ့်အစား Skincare သာ သေချာလုပ်ပေးပါ။ Skincare သေချာလုပ်ရင် အသားအရေကောင်းပြီး မိတ်ကပ်မလိမ်းရင်တောင် လှနေမှာပါ။ အသက်ကြီးလာလည်း အရွယ်တင်နုပျိုနေပါလိမ့်မယ်။
Hair Care
မိန်းကလေးတစ်ယောက်အတွက် ဆံသားအလှအပကလည်း အရေးပါတဲ့အချက်တစ်ချက်ပါပဲ။ ဒါကြောင့် အလှကြိုက်တယ်ဆိုရင် ဆံကေသာလှပဖို့ Hair Care လည်း ပုံမှန်လုပ်ပေးရပါမယ်။ ခေါင်းလျှော်ရည်တစ်မျိုးထဲမသုံးပဲ ဆံပင်ပေါင်းဆေးသုံးပေးပါ။ Hair Oil လည်း သေချာသုံးပေးပါ။
သွားကျန်းမာရေး
အလှကြိုက်တယ်ဆိုရင် သွားကျန်းမာရေးကိုလည်း မေ့မထားသင့်ပါဘူး။ ရယ်လိုက်တိုင်းမှာ သွားတွေဝါညစ်ပြီး ခံတွင်းအနံ့နံနေရင် မလှပါဘူး။ ဒီတော့ သွားကို မနက်ညတိုက်ပေးပြီး သွားကျန်းမာရေးကိုလည်း ပုံမှန်စစ်ပေးပါ။
အဝတ်အစားသပ်ရပ်သန့်ရှင်းဖို့
ဈေးကြီးတာတွေ၊ ခေတ်မှီတာတွေဝတ်စားနေမှ လှတာမဟုတ်ပါဘူး။ အဓိကက အဝတ်အစားကို သပ်သပ်ရပ်ရပ်ဝတ်ပြီး သန့်ရှင်းသပ်ရပ်နေရင် လှတာပါပဲ။ ဒီတော့ အလှအပကြိုက်ရင် အဝတ်အစားကို သန့်ရှင်းသပ်ရပ်အောင် ဝတ်စားဆင်ယင်ပေးပါ။
