အုန်းနို့က ဆံပင်ကိုပျော့ပျောင်းစေဖို့အတွက် အများကြီးအသုံးဝင်တယ်ဆိုတာ မသိသေးဘူးဆိုရင် ဒါမှမဟုတ် ဆံပင်ကို ပိုးသားလိုနူးညံ့ပျော့ပျောင်းစေဖို့ သဘာဝနည်းလမ်းတွေရှာနေတယ်ဆိုရင် ဒီစာက သင့်အတွက်ပါပဲ။ အုန်းနို့မှာ ဗီတာမင်၊ ပရိုတင်း၊ ဇင့်နဲ့ သံဓာတ်တွေ အများကြီးပါတာမလို့ ဆံသားနဲ့ဦးရေပြားကို ထိန်းညှိပေးတဲ့အပြင် ဆံပင်ကြီးထွားမှုကိုလည်း မြှင့်တင်ပေးပါတယ်။ ဒါဆို ဆံသားအတွက် အုန်းနို့ကို ဘယ်လိုသုံးမလဲ ?
ရိုးရိုးအုန်းနို့
အပူနည်းနည်းပေးထားတဲ့ အုန်းနို့ ခွက် ၁/၄ ခွက်ကို ဆံပင်နဲ့ဦးရေပြားမှာလိမ်းပြီး ၁၅ မိနစ်လောက် နှိပ်ပေးပါ။ ခေါင်းကို Shower Cap နဲ့ အုပ်ထားပြီး တစ်နာရီလောက်ထားပြီးမှ လျှော်ပေးပါ။
အုန်းနို့နဲ့ ဒိန်ချဉ်
အုန်းနို့ ၅ ဇွန်း ၊ ဒိန်ချဉ် ၁ ဇွန်း နဲ့ ပရုတ်မှုန့် ၁/၄ ဇွန်းတို့ကို သမအောင်မွှေပြီး ဆံပင်အရင်းကနေအဖျားအထိ လိမ်းပေးပါ။ တစ်နာရီလောက်ထားပြီးမှ ခေါင်းလျှော်ရည်နဲ့ လျှော်ပေးပါ။
အုန်းနို့နဲ့ သံလွင်ဆီ
အုန်းနို့ ၄ ဇွန်းနဲ့ သံလွင်ဆီ 1 ဇွန်းနဲ့ ပျားရည် ၁ဇွန်းတို့ကို သမအောင်မွှေပြီး ဦးရေပြားနဲ့ဆံပင်ကို သေချာနှံ့အောင် လိမ်းပေးပါ။ စိတ်ရှည်ရှည်နဲ့ တစ်နာရီလောက်စောင့်ပါ။ ပြီးမှ ခေါင်းလျှော်ရည်နဲ့ လျှော်ပေးပါ။
အုန်းနို့နဲ့ ပျားရည်
အုန်းနို့ ၄ ဇွန်းနဲ့ ပျားရည် 2 ဇွန်းတို့ကို သမအောင်မွှေပြီး ဦးရေပြားနဲ့ဆံပင်ကို သေချာနှံ့အောင် လိမ်းပေးပါ။ စိတ်ရှည်ရှည်နဲ့ တစ်နာရီလောက်စောင့်ပါ။ ပြီးမှ ခေါင်းလျှော်ရည်နဲ့ လျှော်ပေးပါ။
