ဟောလိဝုဒ်မှာ အရပ်ရှည်ရှည်နဲ့ ဆွဲဆောင်မှုရှိတဲ့ အနုပညာရှင်တွေများစွာရှိပေမယ့် ပုပုသေးသေးနဲ့ ဆွဲဆောင်မှုရှိတဲ့ အသွင်အပြင်ကို ပိုင်ဆိုင်ထားတဲ့ အနုပညာရှင်တွေလဲရှိနေပါတယ်။ ဒါက ခန္ဓာကိုယ်ကိုအချိုးအစားက အောင်မြင်မှုအတွက်အရေးကြီးလွန်းမနေဘူးဆိုတာကို သက်သေပြလိုက်တာပါပဲ။ ကဲ ဒါဆို ဘယ်အနုပညာရှင်တွေလဲဆိုတာ အခုပဲကြည့်လိုက်ရအောင် . . .
(၁) Ariana Grande
ပထမဆုံးတယောက်ကတော့ Ariana Grande ပါ။ သူမရဲ့ cat eye မိတ်ကပ်စတိုင်လ်နဲ့ MTV တွေထဲမှာပါတဲ့ ခပ်ဆန်းဆန်း မိုးမျှော်တိုက်ပလက်ဖောင်းတွေကြောင့် လူသိများကျော်ကြားလာခဲ့တဲ့အမျိုးသမီး ပေါ့ပ်အဆိုတော်တဦးဖြစ်ပါတယ်။ အရပ် ၅ပေသာရှိတဲ့ အသက် ၃၀ အရွယ် Ariana ဟာ တောက်ပတဲ့ အောင်မြင်မှုတွေနဲ့ သူမကိုယ်သူမ ကြီးကျယ်ခမ်းနားစေတဲ့ အနုပညာရှင်ပဲဖြစ်ပါတယ်။
(2) Zac Efron
လူကောင်သေးသေးနဲ့ ရုပ်ဖြောင့်တဲ့ အမေရိကန် သရုပ်ဆောင် အဆိုတော် Zac Efron ကို အားလုံးသိကြမယ်ထင်ပါတယ်။ Baywatch ရုပ်ရှင်မှာလူသန်ကြီး The Rock နဲ့အတူ ပါဝင်သရုပ်ဆောင်ခဲ့တဲ့ Efron က တကယ်တော့အရပ် ၅ပေ၆လက်မ ပဲရှိပြီး ကလေးဘဝက အတန်းထဲမှာအရပ်အပုဆုံး ဖြစ်ခဲ့ဖူးတယ်လို့ဆိုပါတယ်။
(၃) Robert Downey Jr.
အသက် ၅၈ နှစ်အရွယ် Robert Downey ကိုတော့ ပွဲတက်တဲ့အခါ သူစီးတဲ့ဖိနပ်တွေက မသက်ာစရာ ထူးခြားနေတတ်တယ်လို့ စောင့်ကြည့်သူများကဆိုပါတယ်။ တကယ်တော့ Robert က အရပ် ၅ပေ၆လက်မ ပဲရှိတာပါတဲ့ ဒါပေမယ့် သူရဲ့ သန်မာကြံ့ခိုင်တဲ့ Iron Man ဇာတ်ကောင်မှာတော့ လုံးဝမထင်ရဘူးနော်။
(၄) Lady Gaga
Lady Gaga လို့ လူသိများနာမည်ကျော်တဲ့အဆိုတော်အမျိုးသမီးကတော့ အမည်အရင်း Stefani Joanne Angelina Germanotta ဖြစ်ပြီး အရပ်က ၅ပေပါ။ အသက် ၃၇ နှစ်ရှိပြီဖြစ်တဲ့ Gaga ကို ၂၀၁၇ ခုနှစ် Nexflix ရဲ့ မှတ်တမ်းတင်ရုပ်ရှင်မှာတော့ သူမရဲ့အရပ်ကို ၅ပေ၂လက်မလို့ မှတ်တမ်းတင်ရိုက်ကူးထားပါတယ်။
ဒါပေမယ့် ရုပ်ရှင်အပြီးအင်တာဗျူးမှာတော့ သူမရဲ့ အရပ်က ၅ ပေ ၃ နီးနီးရှိတယ်လို့ပြောပါတယ် သူမရဲ့ဒေါက်ဖိနပ်အမြင့်ကိုပါ ထည့်တွက်တာလားဆိုတာတော့ စဉ်းစားစရာပဲနော်။
