လက်သည်းနီအမြဲဆိုးလေ့ရှိတဲ့သူတွေအနေနဲ့ ပုံမှန်ပြုလုပ်ပေးသင့်တဲ့အရာ ၅ ခု

လက်သည်းနီအမြဲဆိုးရင် လက်သည်းပျက်စီးပါတယ်။ ဒါကြောင့် လက်သည်းကို သေချာဂရုစိုက်တာမျိုး မလုပ်ပေးလို့မရပါဘူး။ အထူးသဖြင့် လက်သည်းနီ အမြဲဆိုးလေ့ရှိတဲ့သူတွေက ဒီအရာ ၅ ခုကိုတော့ ပုံမှန်ပြုလုပ်ပေးသင့်ပါတယ်။

အားဖြည့်အဆီလိမ်းပါ

လက်သည်းအားဖြည့်အဆီကို လိမ်းပေးတာက လက်သည်းကျန်းမာရေးအတွက် ကောင်းပါတယ်။ လက်သည်းဘေးနားလေးတွေ အသားမာတက်တာ၊ လက်စွယ်ငုတ်တာတွေလည်း သက်သာစေပါတယ်။

Base Coat ဆိုးပါ

လက်သည်းနီအမြဲဆိုးတယ်ဆိုရင်တော့ ဒီအရာကို ကျော်သွားလို့မဖြစ်ပါဘူး။ Base Coat ခံဆိုးပေးမှသာ လက်သည်းပျက်စီးတာ သက်သာမယ်၊ လက်သည်းဝါညစ်တာမျိုးတွေလည်း မဖြစ်စေပါဘူး။

လက်သည်း Cleansing လုပ်ပါ

လက်သည်းနီအမြဲဆိုးရင် လက်သည်းပျက်စီးပါတယ်။ ဒါကြောင့် လက်သည်းကို ပုံမှန် Cleansing လုပ်ပေးဖို့လိုပါတယ်။ တစ်ပတ်တစ်ခါ မလုပ်ရင်တောင်မှ နှစ်ပတ်တစ်ခါလောက် ပုံမှန်လုပ်ပေးပါ။

သံပုရာခွံနဲ့ပွတ်ပါ

လက်သည်းနီမဆိုးတဲ့အချိန်မှာ လက်သည်းကို သံပုရာခွံနဲ့ပွတ်ပေးပါ။ လက်သည်းကို သံပုရာခွံနဲ့ ပွတ်ပေးတာက လက်သည်းဝါညစ်တာတွေ သက်သာစေပြီး လက်သည်းဖြူစေတယ်၊ လက်သည်းသန်မာစေပါတယ်။ ဒါဆို လက်သည်းကျိုးပဲ့တာတွေလည်း ခဏခဏမဖြစ်တော့ဘူးပေါ့။

လက်သည်းကိုအနားပေးပါ

လက်သည်းနီအမြဲဆိုးလေ့ရှိတဲ့သူတွေ လုပ်ပေးရမယ့်အရာကတော့ လက်သည်းကို အနားပေးဖို့ပါပဲ။ ဘယ်လောက်ပဲ လက်သည်းနီဆိုးရတာကို ကြိုက်ကြိုက် တစ်ပတ်မှာ ၂ ရက်လောက် လက်သည်းကို ဘာမှမဆိုးပဲထားတာမျိုး၊ ဒါမှမဟုတ် Gel ဆိုးတဲ့သူဆိုလည်း တစ်လမှာ တစ်ပတ်လောက် ဘာမှမဆိုးပဲ ထားတာမျိုး လုပ်ပေးပါ။ အမြဲတမ်းဆိုးထားရင် လက်သည်းပျက်စီးပါတယ်။