Depression ဝင်နေတဲ့သူတွေအတွက် Depression တွေကို လျှော့ချပေးနိုင်တဲ့ ယောဂကျင့်စဉ်တချို့ကို မျှဝေပေးလိုက်ပါတယ်။ အိမ်မှာ အလွယ်တကူလုပ်နိုင်တဲ့ ယောဂကျင့်စဉ်တွေဖြစ်တာကြောင့် လိုက်လုပ်ရတာ လွယ်ကူစေမှာပါ။
Adho Mukha Svanasana
ခြေထောက်၊ လက်၊ ခါးကို ပုံမှာလုပ်ပြထားသလို ဆန့်ထားရပါမယ်။ အဲ့အတိုင်း စက္ကန့် ၃၀ မှ စက္ကန့် ၆၀ အထိ နေပေးပါ။ ဒီယောဂကျင့်စဉ်က Stress တွေ၊ Anxiety တွေကို လျှော့ချပေးနိုင်ပြီး အစာခြေစနစ်လည်း ပိုမိုကောင်းမွန်လာစေတယ်၊ အညောင်းအညာလည်း ပြေစေပါတယ်။
Urdhva Mukha Svanasana
ပုံမှာလုပ်ပြထားတဲ့အတိုင်း လက်ကိုအားပြုထောက်ထားပြီး ခြေထောက်ကိုလည်း သေချာဆန့်ထားပါ။ အဲ့အတိုင်း စက္ကန့် ၃၀ မှ စက္ကန့် ၆၀ အထိ နေပေးပါ။ ဒီယောဂကျင့်စဉ်ကတော့ Depression ကို လျှော့ချပေးပြီး ညောင်းညာကိုက်ခဲတာတွေ သက်သာစေပါတယ်။
Uttanasana
ပုံမှာလုပ်ပြထားတဲ့အနေအထားအတိုင်း ခြေထောက်ကို မကွေးအောင်ဂရုစိုက်ပြီး လုပ်ပေးပါ။ အဲ့အတိုင်း စက္ကန့် ၃၀ မှ စက္ကန့် ၆၀ အထိ နေပေးပါ။ ဒီယောဂကျင့်စဉ်က သွေးလည်ပတ်မှုကောင်းမွန်စေပြီး စိတ်ဖိစီးမှုတွေလည်း လျော့ကျစေတာကြောင့် Depression ကိုလည်း လျှော့ချပေးနိုင်ပါတယ်။
Sethu Bandhasana
ပုံမှာလုပ်ပြထားတဲ့အတိုင်း သေချာလုပ်ပေးပြီး အပေါ်ကလိုပဲ အဲ့အနေအထားနဲ့ စက္ကန့် ၃၀ မှ စက္ကန့် ၆၀ အထိ နေပေးပါ။ Stress, Anxiety, Depression အားလုံးလျော့ကျစေပြီး ခါးနာတာလည်း သက်သာစေပါတယ်။
Balasana
ဒီယောဂကျင့်စဉ်ကတော့ လွယ်ပါတယ်။ ဒါကြောင့် အနည်းဆုံး စက္ကန့် ၆၀ တော့ နေပေးပါ။ Stress တွေ Anxiety တွေ လျော့ကျစေပြီး စိတ်ရောကိုယ်ပါ Relax ဖြစ်စေပါတယ်။
Savasana
စိတ်ကိုတည်ငြိမ်စေပြီး Body Relax ဖြစ်စေမယ့် ယောဂကျင့်စဉ်ဖြစ်ပါတယ်။ ဒါကြောင့် ဒီယောဂကျင့်စဉ်ကိုတော့ ၃ မိနစ်မှ ၅ မိနစ်အထိ အဆင်ပြေသလောက်လုပ်ပေးပါ။
Halasana
ဒီယောဂကျင့်စဉ်ကတော့ ယောဂဆရာနဲ့ သေချာသင်ထားပြီးသားဖြစ်လို့ ဒီအတိုင်းလုပ်တတ်တဲ့သူကလွဲလို့ ကျန်တဲ့အတွေ့အကြုံမရှိသူများကတော့ မလုပ်ပါနဲ့။ အန္တရာယ်များပါတယ်။ ဒီယောဂကျင့်စဉ်က ခါးနာတာ၊ ခေါင်းကိုက်တာတွေ သက်သာစေပြီး စိတ်ဖိစီးမှုတွေလည်း လျော့ကျစေပါတယ်။
