ချွေးပေါက်ကျဉ်းဖို့၊ ဆားဝက်ခြံတွေ သက်သာဖို့၊ အသားအရေ စိုပြေ ချောမွေ့ဖို့ Clay Mask ကို သုံးကြပါတယ်။ ဒီတစ်ခေါက်မှာတော့ ကိုယ့်အိမ်မှာတင် လုပ်နိုင်မယ့် Clay Mask နည်းလမ်းကို ဖော်ပြလိုက်ပါတယ်။ သင်က ဒီနည်းလမ်းကို ကိုယ့်အိမ်မှာပဲ လုပ်နိုင်တာမို့ သင့်အတွက် အသုံးဝင်မှာပါ။ ဒီတော့ DIY Clay Mask ဖန်တီးနိုင်မယ့် နည်းလမ်းကို ကြည့်လိုက်ရအောင်နော်-
အဆင့် ၁- ဆန်မှုန့်
ဒါအတွက် ပထမဆုံး လိုအပ်တဲ့ ပစ္စည်းကတော့ ဆန်မှုန့်ပါ။ ခွက်တစ်ခွက်ထဲ ဆန်မှုန့်ကို ၂ ဇွန်းထည့်ပေးရပါမယ်။ Rice Powder က အသားအရေကို Exfoliate လုပ်ပေးပါတယ်။ Clay Mask တွေရဲ့ ဂုဏ်သတ္တိနဲ့ ညီမျှအောင်ကို Rice Powder က စွမ်းဆောင်နိုင်ပါတယ်။ အသားအရေ အဆီပြန်တာကို သက်သာစေတဲ့အပြင် အသားအရေကို ညီညာချောမွေ့စေပါတယ်။
အဆင့် ၂- နို့စိမ်း
ဒီဆန်မှုန့်ထဲကို နို့စိမ်း ၃ ဇွန်း ထည့်ပေးရပါမယ်။ နို့စိမ်းထဲက Lactic Acid က ချွေးပေါက်ထဲက အညစ်အကြေးတွေကို ဖယ်ရှားပေးနိုင်ပါတယ်။ နို့စိမ်းက ဝက်ခြံဖြစ်စေတဲ့ ဘတ်တီးရီးယားတွေကို သေစေနိုင်တဲ့ အာနိသင်ရှိပါတယ်။ အသားအရေ ချောမွေ့စေပြီး အသားအရေ ယောင်ယမ်းခြင်းကို လျော့ကျစေပါတယ်။
အဆင့် ၃- Glycerin
Glycerin တစ်ဇွန်းထပ်ထည့်ရပါမယ်။ အသားအရေအတွက် Glycerin ရဲ့ ကောင်းကျိုးကတော့ အသားအရေကို ရေဓာတ်ဖြည့်ပေးတာ၊ စိုပြေစေတာ စတာတွေ ဖြစ်ပါတယ်။ အသားအရေ ခြောက်သွေ့တာကို သက်သာစေတာကြောင့် Glycerin က Claymask ကပ်တဲ့အချိန် အသားအရေကို Balance ဖြစ်စေပါလိမ့်မယ်။
ဒီပစ္စည်း သုံးမျိုးကို ရောပြီးနောက် မျက်နှာမှာ လိမ်းပေးရပါမယ်။ လိမ်းပြီးနောက် ၁၅ မိနစ် ထားပေးရပါမယ်။ ပြီးနောက် ရေဆေးချရပါမယ်။ ဒီနည်းလမ်းကို ပုံမှန်လုပ်မယ်ဆိုရင် အသားအရေ ချောမွေ့ကာ Fair Skin ဖြစ်လာပါလိမ့်မယ်။
Photo Source: Pinterest
By MyStyle Myanmar
