သင် ကြည့်ဖူးတဲ့ ကိုးရီးယား ဒရာမာတွေထဲမှာ တချို့မိန်းကလေးတွေဆိုရင် အိပ်ရာမှာ နေရင်း လေ့ကျင့်ခန်း လုပ်နေတာကို သင်မြင်ဖူးလား။ Gym သွားစရာမလိုဘဲ ကိုယ့်အိပ်ရာပေါ်မှာပဲ လုပ်နိုင်မယ့် ပေါ့ပေါ့ပါးပါး လေ့ကျင့်ခန်းတွေ ရှိပါတယ်။ ဒါပေမဲ့ ဒီလေ့ကျင့်ခန်းတွေကို လုပ်ရုံနဲ့တော့ သင့်ဗိုက်အဆီက သိသိသာသာ မကျစေနိုင်ပါဘူး။ အစားအသောက်ကို မျှတအောင် ဂရုစိုက်ပြီး လေ့ကျင့်ခန်းလည်း လုပ်မယ်၊ ဒါ့အပြင် အိပ်ရာပေါ်မှာလည်း အားရင် အားသလို ဖော်ပြပါ လေ့ကျင့်ခန်းတွေကို လုပ်မယ်ဆိုရင်တော့ သင့်ဗိုက်အဆီက ထိထိရောက်ရောက် ကျလာပါလိမ့်မယ်။
၁။ Bicycle
Photo Source: Gfycat
Bicycle လေ့ကျင့်ခန်းက ပျိုမေတို့ တော်တော်များများ သိကြတဲ့ ထိရောက်တဲ့ ဗိုက်အဆီကျ လေ့ကျင့်ခန်းပါ။ အိပ်လျက်ကနေ လက်နှစ်ဖက်နဲ့ သင့်ခေါင်းကို ပင့် ထားပေးရပါမယ်။ ပြီးနောက် ပခုံးကိုပါ မ ထားပြီး သင့်ဒူးကို တစ်လှည့်ဆီ ဆန့်ကျင်ဘက် တံတောင်နဲ့ နီးအောင် လုပ်ပေးရပါမယ်။ ဒီ Bicycle လေ့ကျင့်ခန်းကို စက္ကန့် ၃၀ လုပ်ပေးရပါမယ်။
၂။ Leg Raises
Photo Source: Pinterest
ဗိုက်အောက်ပိုင်း အဆီကို ထိထိရောက်ရောက် ကျစေမယ့် Leg Raises လေ့ကျင့်ခန်းကို ချန်ထားလို့မရပါဘူး။ အိပ်လျက်အနေအထားနဲ့ သင့်လက်ကို တြိဂံပုံစံလုပ်ပြီး ခါးနောက် ထားပေးရပါမယ်။ ပြီးရင်တော့ ခြေထောက်ကို ကပ်ပြီး ဆန့်ကာ မြေပြင်နဲ့ မထိအောင် မ ထားရပါမယ်။ ဒီအနေအထားနဲ့ ခြေထောက်နှစ်ဘက်ကို ဆန့်ကာ အပေါ် မြှောက်ပေးရပါမယ်။ ပြီးရင်တော့ အောက်ဘက် မွေ့ယာနဲ့ မထိအောင် ချပေးရပါမယ်။ Leg Raises လေ့ကျင့်ခန်းကို စက္ကန့် ၃၀ လုပ်ရပါမယ်။
၃။ Regular Crunches
Photo Source: GIFDB.com
ပုံမှန် အိပ်ထမတင် လေ့ကျင့်ခန်းကတော့ အပေါ်ဘက် Upper Belly ကို ထိစေမယ့် လေ့ကျင့်ခန်းပါ။ ဒီ အိပ်ထမတင် လေ့ကျင့်ခန်းကိုတော့ ၁ မိနစ်ကြာ လုပ်ပေးရပါမယ်။
၄။ Heel Touches
Photo Source: Spotebi
သင့်လက်နှစ်ဘက်ကို ခန္ဓာကိုယ်ရဲ့ တစ်ဘက် တစ်ချက်မှာ ဆန့်လျက် ထားပေးရပါမယ်။ ပြီးရင်တော့ ညာလက်ကို ညာဘက် ခြေထောက်နဲ့ ထိအောင် ခန္ဓာကိုယ်ကို ကွေးပေးရပါမယ်။ ပြီးနောက် ဘယ်ဘက်လက်ကိုလည်း ဒီလိုပဲ လုပ်ပေးရပါမယ်။ စက္ကန့် ၃၀ Heel Touch လုပ်ပေးရပါမယ်။ ဒီ Heel Touches လေ့ကျင့်ခန်းက ခါးဘေးအဆီတွေကို ထိရောက်စွာ ကျစေပါလိမ့်မယ်။
By MyStyle Myanmar
