ခြေဆီအရမ်းထွက်ရင် နံလည်းနံသလို ဒေါက်ဖိနပ်တွေစီးရင်လည်း ချော်နေတဲ့အတွက် အဆင်မပြေပါဘူး။ ကတီပါနဲ့ အမွှေးပွဖိနပ်တွေ၊ အရောင်နုဖိနပ်တွေ စီးတဲ့အခါမှာလည်း အဆင်မပြေဖြစ်တတ်ပါတယ်။ ဒါကြောင့် ခြေဆီအရမ်းထွက်တဲ့သူတွေအတွက် ခြေဆီထွက်တာ သက်သာစေမယ့် နည်းလမ်း ၅ မျိုးကို မျှဝေပေးလိုက်ပါတယ်။

Tea Tree Oil

ရေနွေးခွက်ထဲကို Tea Tree Oil နည်းနည်းထည့်ပြီးမွှေပါ။ ပြီးရင် ဂွမ်းစိမ်ပြီး ခြေဖဝါးကို ပွတ်ပေးပါ။ ဒါမှမဟုတ် ဇလုံထဲကို ရေနွေးထည့် Tea Tree Oil ထည့်ပြီး ခြေထောက်ထည့်စိမ်ပါ။ ဒီလိုလုပ်ပေးခြင်းက ခြေဆီထွက်တာ သက်သာစေပါတယ်။ နေ့တိုင်းလုပ်ပေးရမှာ ဖြစ်ပါတယ်။

သံပယိုရည်နဲ့ရေ

သံပယိုရည်နဲ့ရေကို ရောမွှေပါ။ ပြီးရင် အဲ့ထဲကို အဝတ်ထည့်စိမ်ပြီး အဲ့ဒီအဝတ်နဲ့ ခြေဖဝါးကို ပွတ်ပေးပါ။ ပွတ်ပြီးရင် ချက်ချင်းရေမဆေးချပဲ ၁၅ မိနစ်လောက်ထားပြီးမှ ရေဆေးချပါ။ ခြေဆီထွက်တာ သက်သာစေသလို ခြေဆီအနံ့နံတာလည်း သက်သာစေပါတယ်။ ဒီနည်းလမ်းကို လုပ်မယ်ဆိုရင်တော့ တစ်ပတ်ကို ၃ ကြိမ် လုပ်ပေးရပါမယ်။

Apple Cider Vinegar

Apple Cider Vinegar – ၃ ဆနဲ့ ရေ – ၁ ဆရောပြီး ခြေထောက်စိမ်ပေးရင်လည်း ခြေဆီထွက်တာ သက်သာစေပါတယ်။ မစိမ်ချင်ရင် ဂွမ်းစိမ်ပြီး အပေါ်ကနည်းလမ်းလိုပဲ ဂွမ်းနဲ့ ခြေဖဝါးကို ပွတ်ပေးလို့ရပါတယ်။ ဒီနည်းလမ်းကို လုပ်မယ်ဆိုရင် တစ်ပတ်မှာ ၂ ကြိမ်လုပ်ပေးရင် ရပါပြီ။

ခရမ်းချဉ်သီး

ခရမ်းချဉ်သီးကို တစ်ခြမ်းလှီးပြီး ခြေဖဝါးကိုပွတ်ပေးတာလည်း ခြေဆီထွက်တာ သက်သာပျောက်ကင်းစေပါတယ်။ ဒါပေမယ့် နေ့တိုင်းတော့ လုပ်ပေးရပါမယ်။

မုန့်ဖုတ်ဆိုဒါနဲ့ပြောင်းဂျုံ

မုန့်ဖုတ်ဆိုဒါနဲ့ပြောင်းဂျုံကို ဆတူရောပြီး ခြေဖဝါးကို ပွတ်ပေးရမှာပါ။ ပြီးရင်တော့ ရေနဲ့ပြန်သန့်ပါ။ ဒီနည်းလမ်းကိုလည်း နေ့တိုင်းလုပ်ပေးမယ်ဆိုရင်တော့ ခြေဆီထွက်တာ သက်သာစေပါတယ်။