တခြားသူတွေနဲ့ ယှဉ်လိုက်ရင် ကိုယ်က လက်မောင်းကြီးသလို ဖြစ်နေတယ်ဆိုရင် ပျိုမေတို့အနေနဲ့ လက်မောင်းသေးချင်မှာပါ။ လက်မောင်းသေးဖို့ အရေးကြီးတဲ့အချက်ကတော့ ဝိတ်ချဖို့ပါ။ ဝိတ်ချတဲ့အခါ အရေးပါတဲ့ အစားအသောက်ကို ပထမဆုံး ဂရုစိုက်ပေးရပါမယ်။ ပြီးရင်တော့ တွဲဖက်လေ့ကျင့်ခန်းတွေကို လုပ်နိုင်ပါတယ်။ ဒီတစ်ခေါက်မှာတော့ လက်မောင်းသေးသေးသွယ်သွယ်လေး ဖြစ်နေစေမယ့် လေ့ကျင့်ခန်းတွေကို ဖော်ပြလိုက်ပါတယ်။
၁။ Arm Circles
Photo Source: SPOTEBI
လက်မောင်းကို တစ်ဘက်တစ်ချက်ဆီ ဆန့်ပြီးနောက် ရှေ့ဘက်လှည့်ပေးရပါမယ်။ ရှေ့ဘက်လှည့်တာကို ၁ မိနစ် လုပ်ရပါမယ်။ ပြီးရင်တော့ နောက်ဘက်လှည့်တာကို ၁ မိနစ်ထပ်လုပ်ရပါမယ်။
၂။ Shoulder Pulses
Photo Source: Flab Fix
သင့်လက်ဝါးကို ဖြန့်ပြီး မှောက်ခုံထားကာ ဆန့်ပေးရပါမယ်။ ပြီးနောက် အပေါ်အောက် လွှဲပေးရပါမယ်။ ဒါကိုလည်း ၁ မိနစ် လုပ်ပေးရပါမယ်။
၃။ Forward Shoulder Pulses
Photo Source: Giphy
အပေါ်က လေ့ကျင့်ခန်း Shoulder Pulse ကိုပဲ လက်ဖဝါးကို ရှေ့ဘက်ပြန်ဖြန့်ကာ ဒီတစ်ခေါက်မှာတော့ ရှေ့နောက် ၁ မိနစ်ကြာ လှုပ်ရှားပေးရပါမယ်။
၄။ Prayer Pulses
Photo Source: Pinterest
လက်နှစ်ဘက်ကို စုထားပြီး လက်အုပ်ချီတဲ့ ပုံစံ စုထားရပါမယ်။ ပြီးနောက် အပေါ်အောက် ရွှေ့ပေးရပါမယ်။ ဒါကို ၁ မိနစ် လုပ်ပေးရပါမယ်။
၅။ Biceps Curl & Press
Photo Source: Popsugar
အလေးတုံး နှစ်တုံး ဒါမှမဟုတ် ရေတစ်လီတာ နှစ်ဘူးကို မ ထားပေးရပါမယ်။ ပြီးနောက် သင့်လက်ကို ရင်ဘတ်နားရောက်အောင် ကွေးပေးရပါမယ်။ ပြီးရင်တော့ အပေါ်ဘက် ဆန့်ပေးရပါမယ်။ ဆန့်ပြီးနောက် ရင်ဘတ်နဲ့ နီးအောင် ချကာ အောက်ဘက် ပြန်ဆန့်ပေးရပါမယ်။ ၁ မိနစ် လုပ်ပေးရပါမယ်။
၆။ Triceps Kickback
Photo Source: Pinterest
ခန္ဓာကိုယ် အဖြောင့် အောက်ဘက်ငုံ့ထားကာ သင့်လက်နှစ်ဘက်ကို ဆန့်ပေးရပါမယ်။ ပြီးနောက် တစ်ဘက်ဆီကို ကွေးပေးရပါမယ်။ ဒါကို ၁ မိနစ် လုပ်ပေးရပါမယ်။
၇။ Overhead Triceps Extension
Photo Source: Verywell Fit
အလေးတုံး တစ်တုံး ဒါမှမဟုတ် ရေတစ်ဘူးကို လက်နှစ်ဘက်နဲ့ စုကိုင်ကာ ခေါင်းအပေါ်ဘက် အနေအထားနဲ့ ကိုင်ထားရပါမယ်။ ဒီအနေအထားကနေ လက်ကို အောက်ဘက် ကွေးပေးရပါမယ်။ ဒီ လေ့ကျင့်ခန်းကို ၁ မိနစ် လုပ်ပေးရပါမယ်။
ဒီလေ့ကျင့်ခန်းအားလုံးကို တစ်ကျော့ပြန် ပြန်လုပ်ပေးရပါမယ်။
By MyStyle Myanmar
