ဂျိုင်းအောက်ကအဆီတွေ လျော့ကျစေဖို့အတွက် အကောင်းဆုံးလေ့ကျင့်ခန်း ၆ မျိုး

ဂျိုင်းအောက်မှာ အဆီတွေရှိနေရင် လက်ပြတ်ဝတ်တဲ့အခါ အဆီတွေထွက်ပြီး သိသာပါတယ်။ ဒီလိုမဖြစ်ချင်ရင်တော့ လေ့ကျင့်ခန်းလုပ်မှပဲ ရမှာပါ။ ပိန်ပိန်၊ ဝဝ ဂျိုင်းအောက်မှာ အဆီက ရှိတတ်ပါတယ်။ ဒါကြောင့် ဂျိုင်းအောက်ကအဆီတွေ လျော့ကျစေဖို့အတွက် အကောင်းဆုံးလေ့ကျင့်ခန်း ၆ မျိုးကို မျှဝေပေးလိုက်ပါတယ်။ တစ်မျိုးကို အကြိမ် ၂၀ ၊ ၃၀ လုပ်ပေးရပါမယ်။

Pushup

Pushup လုပ်ပေးတာက ဂျိုင်းအောက်က အဆီတွေ လျော့ကျစေတဲ့အပြင် လက်မောင်း ကျစ်လစ်စေဖို့အတွက်လည်း အထောက်အကူဖြစ်စေတာကြောင့် မပါမဖြစ်တဲ့ လေ့ကျင့်ခန်းပါပဲ။

Downward-facing Dog

ဒီလေ့ကျင့်ခန်းမှာလည်း ပုံမှာလုပ်ပြထားတဲ့ အနေအထားနှစ်မျိုးကို ဆက်တိုက်ပြုလုပ်ပေးရမှာ ဖြစ်ပါတယ်။ ခါး၊ လက်နဲ့ ခြေထောက် အားလုံးကို ဆန့်ထုတ်ထားရပါမယ်။

Triceps Press

အလေးကိုကိုင်ပြီး ထိုင်တဲ့အခါမှာ ခါးကိုမတ်ထားရပါမယ်။ အလေးကို လက်နှစ်ဖက်နဲ့ သေချာကိုင်ပြီး အပေါ်တည့်တည့်မြှောက်လိုက်၊ အနောက်ပို့လိုက်နဲ့ ပုံမှာလုပ်ပြထားတဲ့အတိုင်း လုပ်ပေးရမှာ ဖြစ်ပါတယ်။

Chest Press

ပုံမှာလုပ်ပြထားသလို အလေးကိုသုံးပြီးတော့ ရင်ဘတ်ရှေ့မှာစုလိုက်၊ ဘေးပြန်ချလိုက်နဲ့ လုပ်ပေးရမှာပါ။ အဲ့အတိုင်း ဖြေးဖြေးချင်းစီ လုပ်သွားပေးပါ။ အနေအထားမှန်ဖို့ကလည်း အရမ်းအရေးကြီးပါတယ်။

Bicep Curl

အလေးသုံးပြီး လုပ်ရမှာဖြစ်ပါတယ်။ ပုံမှာလုပ်ပြထားတဲ့အတိုင်း အလေးကိုမလိုက် ပြန်ချလိုက် လုပ်ရမှာပါ။ အဲ့လိုလုပ်တဲ့အခါမှာ ခန္ဓာကိုယ်အနေအထားကို မတ်မတ်ထားရပါမယ်။ ခါးကိုလည်း ဆန့်ပြီးထိုင်ရပါမယ်။ ကုန်းနေလို့မရပါဘူး။ ဒီလေ့ကျင့်ခန်းက ဂျိုင်းအောက်က အဆီတွေ ကျစေတဲ့အပြင် လက်မောင်းလည်း ကျစ်လစ်စေပါတယ်။

Bench Dip

ပုံမှာလုပ်ပြထားတဲ့အတိုင်း အနောက်မှာခုံထားပြီးတော့ လက်နဲ့ထောက်ကာ ထိုင်ထပုံစံမျိုး လုပ်ပေးရမှာပါ။