အသက် ၂၅ နှစ်ကျော်လာတဲ့အခါမှာ Skin ကို အရင်ထက်ပိုပြီး ဂရုစိုက်သင့်ပါတယ်။ အိုမင်းရင့်ရော်ခြင်းနဲ့ အ ရေးအကြောင်းတွေ မဖြစ်လာအောင်လည်း ကြိုတင်ကာကွယ်သင့်ပါပြီ။ Anti Aging Skincare တွေ ကောင်းကောင်းသုံးလို့ရပါပြီ။ ဒါကြောင့် အသက် ၂၅ နှစ်ကျော်လာတဲ့အခါမှာ မဖြစ်မနေသုံးပေးသင့်တဲ့ Skincare (5) မျိုးကို ပြောပြပေးလိုက်ပါတယ်။
Toner
မျက်နှာကို Cleansing လုပ်တဲ့အပိုင်းကတော့ လူတိုင်းလုပ်မယ့်အရာပါပဲ။ ပြီးရင် Toner အဆင့်ကို မကျော်ပါနဲ့။ ကိုယ့်အသားအရေနဲ့ကိုက်ညီမယ့် Toner ကိုသုံးပေးပါ။
Anti Aging Serum
အသက် ၂၅ နှစ်ကျော်လာတဲ့အခါမှာ Anti Aging Serum ကောင်းကောင်းလေး သုံးပေးသင့်ပါပြီ။ Serum အဆင့်က အသားအရေကို သိသိသာသာ ပြောင်းလဲပေးနိုင်ပါတယ်။ ဒါကြောင့် Serum ကို သုံးပေးပါ။
Moisturizer
Moisturizer သေချာမလိမ်းရင် အသားအရေခြောက်ပြီး ညစ်လာမယ်၊ အရေးအကြောင်းတွေ ဖြစ်လွယ်ပါမယ်။ ဒါကြောင့် Moisturizer ကိုလည်း သေချာရွေးသုံးပေးပါ။
Sunscreen
တကယ်တော့ Sunscreen က အသက် ၂၅ ကျော်မှသုံးရမှာမဟုတ်ပါဘူး။ ဆယ်ကျော်သက်အရွယ်ထဲက သုံးရမှာပါ။ Sunscreen မလိမ်းရင် အသက် ၃၀ ကျော်၊ ၄၀ ကျော်လာတဲ့အခါ တင်းတိတ်မှဲ့ခြောက်တွေ ဖြစ်လာပါလိမ့်မယ်။ အရေးအကြောင်းတွေလည်း ဖြစ်လွယ်ပါမယ်။ ဒါကြောင့် Sunscreen လိမ်းဖို့ လုံးဝမပျင်းပါနဲ့။
Eye Cream
Eye Cream ဆိုလည်း ဆယ်ကျော်သက်အရွယ်ထဲက သုံးသင့်တာပါ။ ဒါမှ မျက်လုံးနားတစ်ဝိုက်မှာ အရေးအကြောင်းတွေ မြန်မြန်မဖြစ်ပဲနဲ့ နုပျိုနေမှာပါ။ ဆယ်ကျော်သက်အရွယ်မှာ မသုံးဖြစ်ခဲ့ရင်လည်း အသက် ၂၅ နှစ်ကျော်လာတဲ့အခါမှာတော့ Eye Cream ကောင်းကောင်းလေး သုံးပေးပါ။ မျက်လုံးနားတစ်ဝိုက် အသားအရေက ခြောက်သွေ့ပြီး မျက်ကွင်းညိုနေရင်၊ အရေးအကြောင်းတွေ ပေါ်နေရင် ပုံမှန်ထက်ပိုပြီးတော့ အိုမင်းရင့်ရော်သလို ဖြစ်စေပါတယ်။ ဒါကြောင့် Eye Cream လည်း သုံးဖြစ်အောင် သုံးပေးပါ။
