လူအတော်များများဟာ သံလွင်ဆီ၊ အုန်းဆီ ဒါမှမဟုတ် နေကြာစေ့ဆီတွေ စတဲ့သဘာဝအဆီတွေကို အရေပြားနဲ့ ဆံကေသာထိန်းသိမ်းမှုအတွက် အသုံးပြုနေခဲ့တာ နှစ်အတော်ကြာခဲ့ပါပြီ။ တစ်ခုရှိတာက သဘာဝအဆီတွေကို လိမ်းတဲ့အခါမှာ မျက်နှာနဲ့ ခန္ဓာကိုယ်ကို ခွဲခြားသိမြင်ဖို့ လိုအပ်ပါတယ်။ ဒါကြောင့် ဘယ်လိုအဆီမဆို အရေပြားပေါ်မလိမ်းမီ ဆရာဝန်ဆီက ထောက်ခံချက်ရယူဖို့ အရေးကြီးပါတယ်။
အုန်းဆီ
အုန်းဆီက အရေပြားကို အစိုဓာတ်ထိန်းပေးတဲ့နေရာမှာ သံလွင်ဆီထက် ပိုမိုကောင်းမွန်ပါတယ်။ အုန်းဆီက အရေပြားထဲကို အလွယ်တကူ စိမ့်ဝင်နိုင်တာမလို့ အဆီပြန်တဲ့ အသားအရေနဲ့ ဝက်ခြံပေါက်တတ်တဲ့သူမှလွဲရင် လူတိုင်းနီးပါးအတွက် အကောင်းဆုံး ရွေးချယ်မှုတစ်ခုပါပဲ။
သံလွင်ဆီ
သံလွင်ဆီမှာ ဗီတာမင် A၊ D၊ E နဲ့ K ပါ၀င်ပြီး Moisturizer အဖြစ် အသုံးပြုနိုင်ပါတယ်။ ဓါတ်မတည့်တာမျိုး မဖြစ်တတ်တာကြောင့် All Body အတွက် အကောင်းဆုံး ရွေးချယ်မှုတစ်ခုပါပဲ။
နေကြာစေ့ဆီ
နေကြာစေ့ဆီမှာ ဗီတာမင် E မြင့်မားစွာ ရရှိနိုင်ပြီး အရေပြားထဲကို လွယ်ကူစွာ စိမ့်ဝင်နိုင်တာကြောင့် ၎င်းကို သဘာဝ Moisturizer အဖြစ် အသုံးပြုလို့ရပါတယ်။
Shea Butter
African shea tree ရဲ့ အခွံမာသီးများကနေ ဆင်းသက်လာတဲ့ Shea Butte က ကို သံလွင်ဆီ သို့မဟုတ် အုန်းဆီနဲ့ တွဲဖက်ပြီး Moisturizer နဲ့ Hair Product အဖြစ် အသုံးပြုလို့လည်း ရပါတယ်။
Jojoba Oil
Jojoba Oil မှာ အရေပြားဆိုင်ရာ အကျိုးကျေးဇူးများအပြင် ရောင်ရမ်းမှုနဲ့ အနာကျက်စေတဲ့ အာနိသင်များပါရှိပေမယ့် တခြားသဘာတအဆီတွေလို လူကြိုက်များတာတော့ မရှိပါဘူး။
ဗာဒံဆီ
ဗာဒံစေ့အစိမ်းနဲ့ ပြုလုပ်ထားတဲ့ ဗာဒံဆီက ဗီတာမင် E၊ ဇင့်၊ ပရိုတင်းနဲ့ ပိုတက်စီယမ်တို့လို့ ကျန်းမာရေးအကျိုးကျေးဇူးများနဲ့ ပြည့်ဝနေပါတယ်။ သူ့မှာ သံလွင်ဆီ နဲ့ Shea Butter တွေထက် ပိုပေါ့ပါးတဲ့ Texture ရှိပေမယ့် တ်မတည့်တဲ့ တုံ့ပြန်မှုကို ဖြစ်ပေါ်စေတတ်ပါတယ်။ ဒါကြောင့် သင့်မှာ ထိခိုက်လွယ်တဲ့ အသားအရေရှိမယ်ဆိုရင် ရှောင်ဖို့ အကြံပြုချင်ပါတယ်။
စပျစ်သီးဆီ
ဗီတာမင် E နဲ့ မရှိမဖြစ် ဖက်တီးအက်ဆစ်များ ပါဝင်တဲ့ စပျစ်စေ့ဆီကတခြားသဘာဝဆီများနဲ့ နှိုင်းယှဉ်ရင် ပေါ့ပါးပါတယ်။ Antioxidant, ပိုးသတ်ဆေး၊ နှင့် ရောင်ရမ်းမှုကို ဆန့်ကျင်တဲ့ ဂုဏ်သတ္တိများရှိပေမယ့် စပျစ်စေ့ဆီကို တခြားအဆီများထက် အသုံးနည်းပါတယ်။
Rose Hip Seed Oil
နှင်းဆီရိုင်းပင်များရဲ့ အစေ့များကနေ ထုတ်ယူထားတဲ့အဆီက အသားအရေ စိုပြေစေပြီး အိုမင်းရင့်ရော်မှုကို ဆန့်ကျင်ပေးတဲ့ မျက်နှာအသားအရေထိန်းသိမ်းမှု ထုတ်ကုန်များကြားမှာ ရေပန်းစားလာပါတယ်။ သူ့မှာပါဝင်တဲ့ မရှိမဖြစ်လိုအပ်တဲ့ ဖက်တီးအက်ဆစ်နဲ့ ဓာတ်တိုးဆန့်ကျင်ပစ္စည်းများက နှင်းခူလို အရေပြားရောင်ရမ်းမှုကို သက်သာစေပါတယ်။
