ပူပြင်းတဲ့နွေရာသီမှာ ကြံရည်အေးတစ်ခွက်သောက်တာက တကယ်အပူကိုသက်သာစေပါတယ်။ ဒါပေမယ့် ကြံရည်မှာပါဝင်တဲ့ ဗီတာမင်၊ သတ္တုဓာတ်၊ ဓာတ်တိုးဆန့်ကျင်ပစ္စည်းများနဲ့ အခြားမရှိမဖြစ်လိုအပ်တဲ့ အာဟာရဓာတ်တွေက အသားအရေလှပဖို့အတွက် တကယ်အသုံးဝင်တာကိုတော့ သတိမထားမိကြပါဘူး ။
အသားအရေလှပဖို့အတွက် ကြံရည်ကို ဘယ်လိုအသုံးပြုရမလဲဆိုတာ ဝေမျှပေးလိုက်ပါတယ်။
Skin Toner
မျက်နှာသစ်ပြီးရင် ကြံရည်ထဲမှာ စိမ်ထားတဲ့ ဂွမ်းလုံးတစ်လုံးကို သဘာဝ တိုနာအနေနဲ့ သုံးကြည့်ပါ။ ချွေးပေါက်တွေကို ကျဉ်းစေပြီး အရေပြားရဲ့ pH အဆင့်ကို ထိန်းညှိပေးတာကြောင့် ကြည်လင်တောက်ပတဲ့ အသားအရေကို ရရှိစေပါတယ်။
Face Mask
ပျားရည်လက်ဖက်ရည်ဇွန်းတစ်ဇွန်းနဲ့ ကြံရည်ကို ရောပြီး Face Mask အနေနဲ့သုံးလို့ရပါသေးတယ် ။ မျက်နှာကို လိမ်းပြီး 15-20 မိနစ်လောက်ထားပြီးရင် ကြက်သီးနွေးရေနဲ့ ဆေးချလိုက်ပါ။ ဒီ Face Mask က အရေပြားကို သန့်စင်စေပြီး တောက်ပကာ အစိုဓာတ်ကို ထိန်းပေးနိုင်ပါတယ်။
Hair Rinse
ခေါင်းလျှော်ပြီးရင် နောက်ဆုံးအဆင့်အနေနဲ့ ကြံရည် Hair Rinse အနေနဲ့သုံးလို့ရပါတယ်။ ဖြန်းပြီးရင် ဦးရေပြားကို နှိပ်နယ်ပြီး မိနစ်အနည်းငယ်ကြာအောင် ထားပြီး ရေဆေးချပါ။ ဆံကေသာကို သန်စွမ်းစေပြီး တောက်ပြောင်စေကာ ဦးရေပြားကို ကျန်းမာသန်စွမ်းအောင် ကူညီပေးပါလိမ့်မယ်။
Scalp Massage
အုန်းဆီ ဒါမှမဟုတ် ဗာဒံဆီလို သင်နှစ်သက်ရာဆီ အနည်းငယ်နဲ့ ကြံရည်ကို ရောမွှေပါ။ ရောထားတဲ့ အရောအနှောကို ဦးရေပြားမှာလိမ်းပြီး မိနစ်အနည်းငယ်ကြာအောင် နှိပ်နယ်ပေးပါ။ ဒီလိုလုပ်ပေးတာက ဦးခေါင်းက သွေးကိုလှုံ့ဆော်ပေးပါတယ်။
