အပြစ်အနာအဆာကင်းတဲ့အသားအရေပိုင်ဆိုင်ထားတဲ့ Victoria Beckham ရဲ့အလှအပလျှို့ဝှက်ချက်များ

Victoria Beckham ဟာ သူမရဲ့ အလှတရားတွေကို ဖုံးကွယ်ထားခြင်းမရှိတဲ့ အနုပညာရှင်နည်းနည်းထဲက တစ်ယောက်ပါ။ သူမရဲ့နုပျိုမှုကို တစ်ကမ္ဘာလုံးက ပရိသတ်တွေက အံ့သြနေကြပါတယ်။ ဒီလိုလှနေတာက Botox လား? မျိုးရိုးဗီဇ လား ? ပလပ်စတစ်ဆာဂျရီလား ?

Victoria Beckham ဟာ ခြေလက်များကို ပျော့ပျောင်းပြီး တောက်ပနေစေဖို့ သဘာဝအဆီများကို အသုံးပြုလေ့ရှိပါတယ်။ အဆီက အသားအရေကို ချောမွေ့နူးညံ့စေပြီး တောက်ပနေစေတာကြောင့် အရေပြားစိုစွတ်နေတဲ့ ရေချိုးပြီးချိန်တွေမှာ အသုံးပြုပေးသင့်ပါတယ်။

ကော်ဇောနီပေါ်မှာရော နေ့စဥ်ဘဝတွေမှာရော မိတ်ကပ်လိမ်းထားတဲ့ အသားအရေကို အမြဲတမ်း သဘာဝအတိုင်းဖြစ်နေစေဖို့ Sponge ကို အသုံးပြုလေ့ရှိပါတယ်။

အပြစ်အနာအဆာကင်းတဲ့ ဆံကေသာကို ပိုင်ဆိုင်ထားတဲ့ Victoria Beckham ဟာ ကြိုးမဲ့ဆံပင်ဖြောင့်စက်မပါဘဲ ဘယ်ကိုမှ မသွားတတ်ပါဘူး။ ဘာလို့လဲဆိုတော့ နေရာမရွေး အချိန်မရွေး အသုံးပြုနိုင်အောင်လို့ပါ။