အဝတ်အစား ဝတ်ရင် ဝမ်းဆက်ကလွဲရင် ကျန်တဲ့ အပေါ်အောက်က အရောင်စပ်ရပါတယ်။ ဒီလို အရောင်တွဲတဲ့အခါ တချို့ အတွဲအစပ်တွေက သင့်ကို ပိုစတိုင်ကျသွားစေသလို တချို့ အတွဲအစပ်ကျတော့လည်း ပိုကြည့်ရဆိုးသွားစေနိုင်ပါတယ်​။ ဒီတော့ စတိုင်ကျချင်တဲ့ ပျိုမေတို့အဖို့ ဘယ်အရောင်နဲ့ ဘယ်အရောင်တွဲလိုက်ရင် ပိုလှသွားမလဲ သိထားသင့်ပါတယ်။ ဒီတော့ အရောင်အတွဲအစပ်တွေကို ကြည့်လိုက်ရအောင်နော်-

၁။ အညိုနဲ့ မီးခိုးစိမ်းရောင်

အညိုက ပျိုမေအများစုနဲ့ လိုက်ဖက်ပေမယ့် အရောင်တွဲတာကိုတော့ သတိထားရပါတယ်။ အညိုက အစိမ်းနဲ့ လိုက်ဖက်လေ့ရှိပြီး အစိမ်းကိုမှ မီးခိုးစိမ်းနဲ့ လိုက်ဖက်ပါတယ်။

၂။ အပြာနဲ့ အညိုဖျော့ရောင်

အညိုဖျော့နဲ့ ဆင်စွယ်ရောင်တွေက အပြာရောင်နဲ့ လိုက်ဖက်လေ့ရှိပါတယ်။ အပြာကတော့ သင့်အတွက် ဂျင်းဘောင်းဘီ၊ ဂျင်းအင်္ကျီက စပြီး ရွေးစရာ အများအပြား ရှိမှာပါ။

၃။ အစိမ်းနဲ့ ပန်းရောင်

ကြည့်လိုက်တာနဲ့ ချစ်ဖို့ကောင်းတဲ့ စတိုင်ကို ရဖို့ ပန်းရောင်နဲ့ အစိမ်းကို တွဲနိုင်ပါတယ်။ ပန်းရောင်နဲ့ အစိမ်းက သင့်ကို အပေါစား မဆန်စေဘဲ တည်ငြိမ်တဲ့ Vibe လေးကို ပေးနိုင်ပါတယ်။

၄။ အစိမ်းရင့်ရောင်နဲ့ အနက်

အစိမ်းနဲ့ အနက် တွဲစပ်မှုက လူငယ်ဆန်ပြီး ဝတ်ဆင်တဲ့သူကို အထာကျစေပါတယ်။ အထူးသဖြင့် Streestyle တွေမှာ အစိမ်းနဲ့ အနက်ကို တွဲဖက်နိုင်ပါတယ်။

၅။ Baby Pink နဲ့ အစိမ်းနုရောင်

ဒီစတိုင်က နံပါတ်သုံးနဲ့ ဆင်တူပေမယ့် လုံးဝ ထူးခြားတဲ့ Baby Color မျိုးကို ရစေပါလိမ့်မယ်။ ဝတ်တဲ့သူကို လူငယ်ဆန်ပြီး ကြည့်ကောင်းစေပါလိမ့်မယ်။

၆။ အနက်နဲ့ အဝါ

အနက်နဲ့ အဝါက သင့်ကို ထူးထူးခြားခြား စတိုင်ကျစေမယ့် အရောင်တွဲစပ်မှုပါ။

၇။ လိမ္မော်နဲ့ Lavender ရောင် တွဲစပ်မှု

သင်က လုံးဝ Fashionista Vibe မျိုးကို လိုချင်ရင် စွန့်စားတဲ့အနေနဲ့ လိမ္မော်နဲ့ Lavender ခရမ်းရောင်ကို တွဲကြည့်နိုင်ပါတယ်။

၈။ Sky Blue နဲ့ အဝါရောင်

သင်က အရောင်လင်းလင်းလေးတွေ နှစ်သက်ရင် အပြာရောင်နဲ့ အဝါရောင်အတွဲအစပ်ကလည်း အိုင်ဒီယာကောင်းပါပဲ။

၉။ Lavender နဲ့ အဖြူရောင်

ခရမ်းရောင် နှစ်သက်တဲ့ ပျိုမေတို့ Try ကြည့်သင့်တဲ့ အရောင်အတွဲအစပ် ဖြစ်ပါတယ်။

၁၀။ ပန်းရောင်နဲ့ အဖြူရောင်

အဖြူရောင်က အရောင်အများစုနဲ့ လိုက်ဖက်လေ့ရှိပေမယ့် ပန်းရောင်နဲ့ ဆိုရင်တော့ ပိုထူးခြားသွားလေ့ ရှိပါတယ်။

Photo source: Pinterest

by MyStyle Myanmar