Tootsies & The Fake ဆိုတဲ့ထိုင်းဟာသဇာတ်လမ်းတွဲနဲ့အတူ မြန်မာပရိသတ်တွေရဲ့ ရင်ထဲရောက်ခဲ့တဲ့ မင်းသမီး Araya A. Hargate ကတော့ Instagram မှာ Follower ပေါင်း ၁၂ သန်းကျော်ပိုင်ဆိုင်ထားတဲ့ နာမည်အကြီးဆုံး ထိုင်းမင်းသမီးတွေထဲက တစ်ဦးပါနော်။

Chompoo လို့ ချစ်စနိုးခေါ်ကြတဲ့ သူမဟာ အသက် ၁၇ နှစ်ကတည်းက သရုပ်ဆောင်လောကထဲ စဝင်လာခဲ့ပြီး လက်ရှိအသက် ၄၀ အရွယ်အထိ အောင်မြင်နုပျိုနေဆဲ အနုပညာရှင်တစ်ယောက်ဆိုရင်လည်း မမှားပါဘူး။ အရပ် ၅ ပေ ၇လက်မအထိရှိတာမို့ Model အနေနဲ့လည်း လူသိများပြီး ကြောငြာနဲ့မဂ္ဂဇင်းတွေရဲ့ မျက်နှာဖုံးအဖြစ်မကြာခဏ ဖော်ပြခြင်းခံရသူပါ။

ကပြားတစ်ယောက်ဖြစ်တဲ့အပြင် အသက်ကို နောက်ပြန်ဆုတ်ထားသလားမှတ်ရအောင် နုပျိုနေဆဲသူမကတော့ လက်ရှိ ၄၀ ကျော်အရွယ်အထိ ဖက်ရှင်ပိုင်းမှာ ဝတ်ရမယ့်ပုံစံကန့်သတ်ထားတာမျိုးမရှိဘဲ စိတ်တိုင်းကျအရောင်နဲ့ ဒီဇိုင်းတွေ ရွေးချယ်ဝတ်တတ်သူပါ။

သူမဟာ ကလေးသုံးယောက်မေမေလို့ မထင်ရအောင် ကြည့်လိုက်တာနဲ့ အမြဲလွတ်လပ်ပေါ့ပါးပြီး ထူးခြားတဲ့အရောင်အရောအစပ်တွေကို အထာကျကျ ဝတ်တတ်သူလည်းဖြစ်ပါတယ်။သူမရဲ့အရောင်အသွေးစုံတဲ့ဖက်ရှင်လေးတွေက အသက်ကို ရှိရင်းစွဲထက် နုပျိုသွားချင်သူတွေ၊ ပေါ့ပေါ့ပါးပါးနဲ့ ထင်းနေတဲ့ဖက်ရှင်မျိုးဝတ်ချင်သူတွေအတွက် အိုင်ဒီယာရစေတာမို့ ဒီတစ်ခေါက်မှာ ထိုင်းမင်းသမီး Araya ရဲ့အမိုက်စားဖက်ရှင်တွေကို မျှဝေပေးလိုက်ပါတယ်။ စိတ်ဝင်စားရင် ကြည့်လိုက်ရအောင်နော်-

Photo Source: Pinterest

By MyStyle Myanmar