မင်္ဂလာပါနော်။ Cargo ဘောင်းဘီအပွတွေက ဝတ်ရတာသက်တောင့်သက်သာရှိသလို အထာလည်းကျတာမို့ လတ်တလောလူငယ်တွေကြား ပြန်ခေတ်စားလာတဲ့ ဖက်ရှင်တစ်မျိုးလို့ပြောလို့ရပါတယ်။ ဒီလိုဘောင်းဘီတွေက ခန္ဓာကိုယ်အချိုးအစားမရွေးဝတ်လို့လှသလို သွားရလာရလွတ်လွတ်လပ်လပ်ရှိတာမို့ ကိုယ်ကျပ်ဘောင်းဘီထက် ယောကျာ်းလေးဆန်ဆန် Streetwear ပုံစံဝတ်ရတာကြိုက်တဲ့သူတွေအတွက် ကွက်တိပါပဲ။ တစ်ထည်လောက်ရှိထားရုံနဲ့ တွဲစပ်ဝတ်တတ်ရင် ဝတ်တတ်သလို လူငယ်ဆန်ပြီး အထာကျတဲ့ ဖက်ရှင်မျိုးရစေမှာပါ။ ဒါကြောင့်မို့ စိတ်ဝင်စားတဲ့သူတွေအတွက် ဒီတစ်ခေါက်မှာ Cargo ဘောင်းဘီနဲ့ အတွဲအစပ်ဝတ်နည်းတွေကို ဖော်ပြပေးလိုက်ပါတယ်။
Over-Sized ဖြစ်တဲ့ တီရှပ်အပွတွေနဲ့တွဲဝတ်ပါ။ အောက်က Sneakers ဖိနပ်လေးနဲ့ဆိုပိုလိုက်ပါတယ်။ ခန္ဓာကိုယ်ပြည့်တဲ့သူတွေနဲ့ပါ လိုက်ဖက်ပြီး အပေါ်အောက် ဝတ်ရတာ သက်တောင့်သက်သာရှိနေမယ့် ဖက်ရှင်လေးဖြစ်ပါတယ်။
ဆွယ်တာအပါးပုံစံလက်ရှည်အင်္ကျီလေးတွေကလည်း Cargo ဘောင်းဘီနဲ့ လိုက်ဖက်ပြီး ထသွားထလာအဆင်ပြေမယ့် ဖက်ရှင်မျိုးပါ။
Corset အင်္ကျီလေးနဲ့တွဲဝတ်ပေးတာကလည်း ဆွဲဆောင်မှုရှိသလို အထာကျနေမယ့် ဖက်ရှင်ဖြစ်ပါတယ်။
သက်တောင့်သက်သာရှိတဲ့ Streetwear ဖက်ရှင်လေးထင်းနေအောင် Sweatshirt တွေနဲ့ တွဲဝတ်ကြည့်ပါနော်။
ကိုယ်ကျပ် Baby Tee တွေကလည်း Cargo ဘောင်းဘီတွေနဲ့ အရမ်းလိုက်ဖက်ပါတယ်။ လူငယ်ဆန်သလို ဓာတ်ပုံထဲမှာအမိုက်စားဖြစ်နေမယ့် ဖက်ရှင်လေးပါ။
ခါးတို Crop လေးတွေ ဝတ်တတ်တဲ့သူဆိုရင် ခန္ဓာကိုယ်လေးပေါ်အောင် Tube Top (သို့) Tank Top လေးတွေနဲ့တွဲဝတ်ကြည့်ပါ။ ဆွဲဆောင်မှုရှိသလို အထာလည်းကျပါတယ်။
Photo Source: Pinterest
By MyStyle Myanmar
