ပထမဆုံးတွေ့ကြတဲ့ First Date က အရေးကြီးပါတယ်။ First Date မှာကတည်းက မလုပ်သင့်တာတွေ လုပ်မိနေရင် အဆင်မပြေတော့ပါဘူး။ တစ်ဖက်လူကလည်း စိတ်ပျက်သွားနိုင်ပါတယ်။ ဒါကြောင့် ပထမဆုံးတွေ့တဲ့ First Date မှာ မလုပ်သင့်တဲ့အရာတချို့ကို ပြောပြပေးလိုက်ပါတယ်။
နောက်ကျခြင်း
ပထမဆုံးတွေ့တဲ့ First Date မှာကတည်းက နောက်ကျနေပြီဆိုရင်တော့ တစ်ဖက်လူက တင်းမှာသေချာပါတယ်။ တစ်ဖက်လူအပေါ်လည်း အလေးမထားသလို ဖြစ်စေပါတယ်။ ဒါက ပထမဆုံး အရေးကြီးတဲ့အရာတစ်ခုပါ။
ကိုယ့်အကြောင်းတွေကြွားဝါပြောဆိုခြင်း
တချို့ကျတော့ ပထမဆုံးတွေ့တဲ့ First Date မှာ စကားကို ပေါ့ပေါ့ပါးပါးမပြောပဲ ကိုယ်ပြောချင်တာတွေချည်းပဲ ပြောတာပါ။ အဆိုးဆုံးကတော့ ကိုယ့်အကြောင်းတွေကို ကြွားဝါပြောဆိုနေတာပါပဲ။ တစ်ဖက်လူက အမြင်ကပ်ပြီး စိတ်ပျက်သွားနိုင်ပါတယ်။
ဖုန်းသုံးနေခြင်း
ပထမဆုံးတွေ့တဲ့ First Date မှာ တစ်ဖက်လူအကြောင်း စိတ်ဝင်စားတဲ့ပုံစံမျိုး ရှိရမှာ၊ ကိုယ်နဲ့သူနဲ့ အပြန်အလှန် စကားပြောရင်း ရင်းနှီးမှုယူရမယ့်အချိန်မှာ သူ့ကိုဘေးထားပြီး ဖုန်းထုတ်သုံးနေမယ်ဆိုရင်တော့ ရိုင်းရာကျပါတယ်။ တစ်ဖက်လူကို ဂရုမစိုက်သလို၊ အလေးမထားသလို ဖြစ်စေပါတယ်။ ကိုယ့်ဘက်က Foul သွားပါလိမ့်မယ်။ မလုပ်သင့်တဲ့အရာပါ။ ဒါက အရေးကြီးပါတယ်။
စကားပြောနေချိန်မှာအာရုံမစိုက်ခြင်း
တစ်ဖက်လူက စကားပြောနေတာကို စိတ်ဝင်စားကြောင်းမပြပဲ ၊ အာရုံမစိုက်ပဲ ခုနကလို ဖုန်းထုတ်ကြည့်နေတာမျိုး၊ တခြားကိုငေးနေတာမျိုး၊ ကိုယ်လုပ်ချင်တာလုပ်နေတာမျိုး၊ သူပြောနေတာ မပြီးသေးပဲ တခြားအကြောင်းအရာတစ်ခုကို စကားဖြတ်ပြောတာမျိုးတွေက မလုပ်သင့်ပါဘူး။ ရိုင်းလည်းရိုင်းသလို တစ်ဖက်လူကလည်း စိတ်ပျက်နိုင်တဲ့ အပြုအမူတွေပါ။
တခြားသူအကြောင်းတွေပြောနေခြင်း
ပထမဆုံးတွေ့တဲ့ First Date မှာ ကိုယ်နဲ့သူနဲ့အကြောင်းပြောပြီး ရင်းနှီးမှုယူရမှာကို မဆိုင်တဲ့ တခြားသူအကြောင်းတွေ လျှောက်ပြောနေတာမျိုး မလုပ်ပါနဲ့။ အဆိုးဆုံးက ယောင်္ကျားလေးဆိုရင် တခြားကောင်မလေးအကြောင်း ပြောတာမျိုး၊ မိန်းကလေးဆိုရင်တော့ တခြားယောင်္ကျားလေးအကြောင်း ပြောတာမျိုးတွေ လုံးဝမလုပ်သင့်ပါဘူး။
