တချို့သူတွေက ငိုချင်စိတ် ဖြစ်အောင် တမင်ကို ငိုရတဲ့ ဇာတ်ကားတွေကို ရွေးကြည့်တတ်ကြပါတယ်။ တချို့ဆိုရင် ငိုချင်လို့ ဆိုပြီး ငိုရတဲ့ ဝတ္ထုတွေကိုမှ ရွေးဖတ်ကြပါတယ်။ သင်က ဒီလိုလူမျိုးဆိုရင်တော့ အောက်မှာ ပြောထားတဲ့ ဇာတ်လမ်းတွေက သင့်အကြိုက် ဖြစ်မှာ မလွဲမသွေပါပဲ။
၁။ La La Land
ကိုယ့် ဝါသနာနဲ့ အချစ်ရေးအကြား မဆုံးဖြတ်နိုင်တဲ့ စုံတွဲကို ကြည့်ရမှာပါ။ သင်က ဇာတ်လမ်းအဆုံးထိ ကြည့်ရင်း ယူကျုံးမရ ဖြစ်ရမယ့် ဇာတ်လမ်း ဖြစ်ပါတယ်။
၂။ Marriage Story
ဒီ ဇာတ်ကားကလည်း ကိုယ့် Career အတွက် ရုန်းကန်ရင်း ဘဝအကြောင်း လက်တွေ့သိနိုင်မယ့် ဇာတ်ကားကောင်း တစ်ခုပါ။
၃။ Me Before You
Louisa Clark ဆိုတဲ့ အမျိုးသမီးလေးက ဝှီးချဲ အကူအညီနဲ့ သွားလာရတဲ့ အမျိုးသား Will Traynor ကို စောင့်ရှောက်ရမယ့် အလုပ်ကို
ရခဲ့ပါတယ်။ ဒါပေမဲ့ ဒီလူနှစ်ဦးက အပြန်အလှန် ချစ်မိတဲ့ အချိန်မှာတော့ သူတို့ ဘဝဟာ တစ်ချိုးတစ်ဆစ် ပြောင်းလဲသွားခဲ့ပါတယ်။
၄။ Fruitvale Station
အသက် ၂၂ နဲ့ သေဆုံးခဲ့ရတဲ့ လူငယ် လူမည်းကောင်လေး Oscar Grant ရဲ့ ဖြစ်ရပ်မှန်ကို အခြေခံ ရိုက်ကူးထားတဲ့ ဇာတ်လမ်းဖြစ်ကာ ငိုချင်သူတွေ ကြည့်သင့်တဲ့ ဇာတ်လမ်း ဖြစ်ပါတယ်။
၅။ The Boy in the striped pajamas
ဒုတိယကမ္ဘာစစ်တုန်းက ဂျူးလူမျိုးတွေကို Concentration camp ထဲမှာ ဖမ်းချုပ်ကာ သေတဲ့အထိ ကျွန်ပြုထားတာ၊ သတ်ပစ်တာတွေ လုပ်ကြပါတယ်။ ဒီထဲ ရောက်တဲ့ ဂျူးလူမျိုးတွေဟာ မိသားစုလိုက် လုံးဝ ထွက်ခွင့်မရတော့ပါဘူး။ ဒီဇာတ်လမ်းမှာတော့ တပ်မှူးချုပ်ရဲ့ သားဖြစ်သူ ၈ နှစ်အရွယ် ကောင်လေးနဲ့ တစ်ဘက် Concentration Camp ထဲက ကောင်လေးနှစ်ဦးဟာ သူငယ်ချင်းတွေ ဖြစ်ခဲ့ပါတယ်။ ဒါပေမဲ့ ဒီကနေ စတဲ့ အကျိုးဆက်တွေဟာ သိပ်မကောင်းလှပါဘူး။
၆။ Room
ပြန်ပေးဆွဲခံခဲ့ရတဲ့ သားအမိနှစ်ဦးက ဘယ်လို လွတ်မြောက်အောင် ကြိုးစားကြမလဲ စိတ်ဝင်တစား ကြည့်ရမယ့် ဇာတ်လမ်း ဖြစ်ပါတယ်။
၇။ All The Bright Places
လူငယ်နှစ်ဦးဟာ အတိတ် ဒဏ်ရာ၊ အနာတရတွေကို ဘယ်လို တူတူ ဖြတ်ကျော်ကြမလဲ ကြည့်ရမယ့် ဇာတ်ကားပါ။
၈။ Good Will Hunting
Will Hunting က သင်္ချာပါရမီရှင် တစ်ဦးပါ။ ဒါပေမဲ့ စိတ်ဒဏ်ရာဖြစ်ပြီးနောက်မှာ ကုသမှု ခံယူခဲ့ရပါတယ်။ ဒီဇာတ်ကားက နာမည်ကျော် ဇာတ်ကားကောင်း ဖြစ်တာကြောင့် လက်လွှတ်မခံသင့်တဲ့ ဇာတ်လမ်းပါ။
Photo Source: Pinterest
By MyStyle Myanmar
