စိတ်ဖိစီးမှုများနေတဲ့သူ၊ စိတ်ညစ်စရာ၊ စိတ်ရှုပ်စရာ၊ ဒေါသထွက်စရာတွေ ရှိနေတဲ့သူ၊ Emotion အရမ်းများနေတဲ့သူတွေအတွက် စိတ်တည်ငြိမ်စေဖို့ကူညီပေးမယ့် အလွယ်ကူဆုံးယောဂ ၆ မျိုးကို မျှဝေပေးလိုက်ပါတယ်။
ယောဂ ၁
ပထဆုံးယောဂကတော့ Cat Tail လို့ခေါ်ပါတယ်။ ပုံမှာလုပ်ပြထားတဲ့အတိုင်းလေး လုပ်ပြီးတော့ ၅ မိနစ် နေပေးရမှာပါ။ ဒီလိုနေတဲ့အချိန်မှာ အသက်ရှူသွင်းရှူထုတ်လုပ်တာကို မှတ်နေပေးပါ။ အချိန်ပြည့်ရင် နောက်တစ်ဖက်ကိုလှည့်ပြီး ၅ မိနစ်ထပ်နေပေးပါ။
ယောဂ ၂
ပုံမှာလုပ်ပြထားတဲ့ အနေအထားအတိုင်းနေပြီး ခုနကလိုပဲ အသက်ရှူသွင်းရှူထုတ်လုပ်တာကို မှတ်နေပေးပါ။ ၃ မိနစ်မှ ၅ မိနစ်အထိ ကိုယ်အဆင်ပြေသလောက် နေပေးပါ။
ယောဂ ၃
ဒီယောဂကျင့်စဉ်မှာတော့ အနေအထားက အရေးကြီးပါတယ်။ ပုံမှာလုပ်ပြထားတဲ့အတိုင်း သေချာလေးလုပ်ပေးပါ။ ခြေထောက်ကို မကွေးရပါဘူး။ အဲ့အတိုင်းနေပြီး မျက်စိမှတ်ကာ အသက်ရှူသွင်းရှူထုတ်လုပ်တာကို မှတ်နေပေးပါ။ စက္ကန့် ၃၀ မှ ၁ မိနစ်အထိ ကိုယ်အဆင်ပြေသလောက် နေပေးပါ။
ယောဂ ၄
ပုံမှာလုပ်ပြထားတဲ့အတိုင်း ၁ မိနစ်နေပေးပါ။ အချိန်ပြည့်ရင် ခြေထောက်ပြန်ချပြီး ၁၅ စက္ကန့်နား၊ ပြီးရင် အဲ့အတိုင်း ၁ မိနစ် ထပ်လုပ်ပါ။ ၁ မိနစ်လုပ်လိုက် ၁၅ စက္ကန့် နားလိုက်နဲ့ စုစုပေါင်း ၃ ကြိမ်မှ ၅ ကြိမ် အထိ လုပ်ပေးရပါမယ်။
ယောဂ ၅
ဒီယောဂကျင့်စဉ်မှာတော့ ခြေထောက်ကွေးတာကလည်း ပုံထဲကအတိုင်း ဒေါင့်ချိုးကျကျဖြစ်ရပါမယ်။ လက်ကိုလည်း အပေါ်ကို ဆန့်တန်းထားရပါမယ်။ ခါးကိုလည်း ဆန့်ထားရပါမယ်။ အဲ့အတိုင်း စက္ကန့် ၃၀ မှ ၁ မိနစ်အထိ ကိုယ်အဆင်ပြေသလောက် နေပေးရုံပါပဲ။
ယောဂ ၆
ကြမ်းမှာလှဲပြီး လက်နှစ်ဖက်ကို အပေါ်ဆန့်၊ ခြေထောက်တစ်ဖက်ကို ဆန့်ပြီးဆင်းထားပါ။ နောက်ခြေထောက်တစ်ဖက်ကတော့ ပုံထဲကလို မြှောက်ပြီးကွေးထားပါ။ အဲ့အတိုင်း ၁၅ စက္ကန့်နေပြီးရင် ခြေထောက်ကို ဘယ်ညာပြောင်းပြီး နောက်ထပ် ၁၅ စက္ကန့် ထပ်နေပေးရင် ရပါပြီ။
