မင်္ဂလာပါ…. ပျိုမဒီတို့ရေ… Nail Extension ဆိုတာ မိန်းကလေးတွေကြား တကယ်ကိုရေပန်းစားတဲ့ အရာပါပဲနော်။ ရှည်တဲ့ လက်သည်းတွေရဖို့ ၊ ဆွဲဆောင်မှုရှိတဲ့လက်သည်းတွေရဖို့ Nail Extension က ရေပန်း အစားဆုံးနဲ့ အလွယ်ကူဆုံးနည်းလမ်းပါပဲ။
သဘာဝလက်သည်းတွေ ရှည်ဖို့ စောင့်စရာမလို ကျိုးမှာ ပဲ့မှာတွေ စိုးရိမ်စရာမလိုတဲ့ Nail Extension ကို အခုခေတ်မှာ မိန်းကလေးတော်တော်များ လုပ်လာကြပါတယ်။ ဒါပေမယ့် Nail Extension မလုပ်ခင်မှာတော့ ဒီအချက်လေးတွေကို သတိထားသင့်ပါတယ်နော်။
Acrylic လား ? Gel Nails လား ?
Acrylic ကို သဘာဝလက်သည်းတွေရဲ့ အပေါ်ဆုံးအလွှာကို ခိုင်ခံ့စေဖို့နဲ့ ကြာရှည်ခံစေရန်အတွက် အသုံးပြုပြီး LED သို့မဟုတ် UV လေဆာနဲ့ မာကျောအောင် ပြုလုပ်တာက Gel Nails ပါ။
ဘယ်လောက်ကြာကြာခံသလဲ ?
Nail Extension လုပ်ပြီးရင် ဂရုစိုက်မှုပေါ်မူတည်ပြီး အနည်းဆုံး နှစ်ပတ်ကနေ သုံးပတ်အထိ ကြာရှည်ခံပြီး တချို့ကတော့ တစ်လအထိ ကြာရှည်ခံပါတယ်။
စျေးကြီးပြီး အချိန်ကုန်လား ?
Nail Extension က သင့်အတွက် အချိန်နဲ့ငွေအများကြီးကုန်ကျမယ်ဆိုတာတော့ သိထားပါ။ ကျွမ်းကျင်တဲ့ ပရော်ဖက်ရှင်နယ် ၊ အသုံးပြုတဲ့ပစ္စည်း အရည်အသွေးပေါ်မူတည်ပြီး ဈေးအမျိုးမျိုး ကွာခြားကြပါတယ်။
လက်သည်းကို ထိခိုက်နိုင်လား ?
Nail Extension က လက်သည်းအစစ်ကို ထိခိုက်နိုင်ပြီး ကြွပ်ဆတ်စေနိုင်ပါတယ်။ Nail Extension ကို မကြာမကြာလုပ်ရင် လက်သည်း အားနည်းတာ၊ ကြွပ်ဆတ်တာနဲ့ ကြမ်းတမ်းလာတာမျိုးတွေ ဖြစ်တတ်ပေမယ့် အရည်အချင်းပြည့်မီတဲ့ ပရော်ဖက်ရှင်နယ်နဲ့ လုပ်တာဆိုရင်တော့ ပျက်စီးမှုအတွက် စိတ်ပူစရာမလိုပါဘူး။
Professional Nail Technician ကို ရွေးပါ
Nail Extension လုပ်တဲ့အခါ သဘာဝလက်သည်းတွေ ထိခိုက်ပျက်စီးမှုအနည်းဆုံးဖြစ်စေဖို့ ကျွမ်းကျင်တဲ့လူကိုဘဲ ရွေးချယ်သင့်ပါတယ်။ အိမ်မှာ Nail Extension ကို ဖယ်လို့ရတယ်လို့ လူအများစုက ယူဆကြပေမယ့် လက်သည်းမျက်နှာပြင်နဲ့ လက်သည်းခွံတွေကို ပျက်စီးစေနိုင်တာကြောင့် မလုပ်သင့်ပါဘူး။
