လက်သည်းနီအဆိုးများကာ ဖျက်ပြီးနောက်နေ့တွေမှာ လက်သည်းကို ဘယ်လိုဂရုစိုက်မလဲ

သင့်လက်သည်းလေးတွေက လက်သည်းနီ ဆိုးထားတဲ့ နေ့တွေမှာ လှပနေကာ သင့်စိတ်ကိုပါ ကျေနပ်မှု ရစေပါတယ်။ ဒါပေမဲ့ လက်သည်းနီဆိုးတဲ့ ပျိုမေတို့အတွက် အိပ်မက်ဆိုးတစ်ခုကတော့ ဆိုးထားတဲ့ လက်သည်းလေးတွေ အရောင် စ ပျက်တဲ့အချိန်ပါ။ လက်သည်းနီ ခဏခဏ ဆိုးမယ်ဆိုရင် သင့်လက်သည်း ကျန်းမာရေးအတွက် မကောင်းပါဘူး။ လက်သည်းကို သုံးခါလောက် ဆိုးပြီးတာနဲ့ သင့်လက်သည်းကို အနားပေးသင့်ပါတယ်​။ ဒီလို အနားပေးတဲ့နေ့တွေမှာ လက်သည်းကို ထိန်းသိမ်းနိုင်မယ့် နည်းလမ်းတွေကို ဖော်ပြပါရစေ။

၁။ Tea Tree Oil

Tea Tree Oil က မှိုသေစေတဲ့ ဂုဏ်သတ္တိရှိပါတယ်။ Cotton Swab ပေါ်မှာ Tea Tree Oil ကို သုတ်ပြီး လက်သည်းပေါ် လိမ်းပေးရပါမယ်။ တစ်ပတ်မှာ တစ်ခါလောက် Tea Tree Oil ကို သုံးပေးမယ်ဆိုရင် သင့်လက်သည်းလေး ပိုသန့်ရှင်းကာ ပိုကျန်းမာလာပါလိမ့်မယ်။

၂။ သံပယိုရည်နဲ့ Baking Soda

လက်သည်းခဏခဏ ဆိုးတာကြောင့် လက်သည်းဝါလာမယ်ဆိုရင် သင်က သံပယိုရည်နဲ့ Baking Soda ကို သုံးနိုင်ပါတယ်။ ဒီနှစ်မျိုးကို ရောမွှေကာ လက်သည်းပေါ် လိမ်းနိုင်ပါတယ်။ ၁၀ မိနစ်ထားပြီးနောက် ရေဆေးချနိုင်ပါတယ်။

၃။ အုန်းဆီ

အုန်းဆီက သင့်လက်သည်းကို ပိုမာစေကာ တောက်ပစေပါတယ်။ လက်သည်းလွယ်လွယ် မကျိုးဖို့ အုန်းဆီကို လက်သည်းပေါ် လိမ်းပြီး နှိပ်နယ်ပေးနိုင်ပါတယ်။

၄။ ကြက်သွန်ဖြူ

လက်သည်းခဏခဏ ဆိုးရတာကြောင့် လက်သည်းပိုးဝင်တတ်တဲ့ ပျိုမေတို့ကို ကြက်သွန်ဖြူက ကူညီပေးပါလိမ့်မယ်။ ကြက်သွန်ဖြူကို ကျိတ်ကာ လက်သည်းပေါ် လိမ်းနိုင်ပါတယ်​။

၅။ Apple Cider Vinegar

Apple Cider Vinegar နဲ့ ရေကို ဆတူ ရောကာ လက်သည်းကို ဒီထဲစိမ်တာ ဒါမှမဟုတ် Cotton Swab နဲ့ သုတ်ပေးနိုင်ပါတယ်။ ဒီနည်းလမ်းကို ပုံမှန်လုပ်ပေးမယ်ဆိုရင် လက်သည်းလေး ပန်းရောင်သန်းကာ ပိုတောက်ပလာပါလိမ့်မယ်။

Photo Source: Pinterest

By MyStyle Myanmar