စိတ်ပင်ပန်း လူပင်ပန်းဖြစ်နေတဲ့သူတွေ၊ အလုပ်အရမ်းပင်ပန်းတဲ့သူတွေ၊ စာလုပ်ရတာ ပင်ပန်းတဲ့သူတွေအတွက် ကိုယ်ရောစိတ်ပါ Relax ဖြစ်ဖို့အတွက် အကောင်းဆုံး ယောဂကျင့်စဉ် ၆ ခု
Child Pose
ပုံမှာလုပ်ပြထားတဲ့ Child Pose အနေအထားနဲ့ ၁ မိနစ်ကနေ ၃ မိနစ်အထိ ကိုယ်အဆင်ပြေသလောက် နေပေးရမှာပါ။ ဒီလိုနေနေတဲ့အချိန်မှာ အသက်ကိုခပ်ပြင်းပြင်း ရှိုက်ရှူလိုက်၊ ပြန်ထုတ်လိုက်နဲ့ လုပ်ပေးပါ။
Legs-Up-The-Wall Pose
ပုံမှာလုပ်ပြထားသလို ခြေထောက်နှစ်ချောင်းကို နံရံမှာကပ်ပြီး မြှောက်ထားရမှာပါ။ အဲ့အတိုင်း ၅ မိနစ်မှ ၁၀ မိနစ်အထိ ကိုယ်အဆင်ပြေသလောက် နေပေးပါ။ ဒီလိုနေနေတဲ့အချိန်မှာ မျက်စိမှိတ်ထားပြီး အသက်ရှူသွင်းရှူထုတ်တာကိုပဲ စိတ်ထဲကနေမှတ်နေပေးပါ။
Crocodile Pose
မှောက်ယက်အနေအထားနဲ့ ပုံမှာလုပ်ပြထားသလို လက်ကိုလည်း ထောက်ထားပါ။ အဲ့အတိုင်း ၃ မိနစ်မှ ၅ မိနစ်အထိ နေပေးပြီး ပုံမှန်အတိုင်း အသက်ရှူသွင်းရှူထုတ် လုပ်ပေးပါ။
Reclining Fish Pose
ပုံမှာလုပ်ပြထားတဲ့အတိုင်း ၁ မိနစ်နေပေးပါ။ အချိန်ပြည့်ရင် ဘယ်ညာပြောင်းလုပ်ပြီး နောက်ထပ် ၁ မိနစ် ထပ်နေပေးရမှာ ဖြစ်ပါတယ်။
Bound Angle Pose
ဒီယောဂကျင့်စဉ်မှာတော့ ခြေထောက်ထားတဲ့ပုံစံက အဓိကပါ။ ပုံမှာလုပ်ပြထားသလို ခြေဖဝါးနှစ်ဖက်ကို ကပ်ထားရပါမယ်။ လက်ကတော့ ပုံထဲကအတိုင်း လုပ်လည်းရသလို ဘေးဘက်ကို ကားထားလည်း ရပါတယ်။ အဲ့အတိုင်းနေပြီး အသက်ကိုခပ်ပြင်းပြင်း ရှိုက်ရှူလိုက်၊ ရှူထုတ်လိုက်နဲ့ ၁ မိနစ် လုပ်ပေးပါ။
Corpse Pose
နောက်ဆုံး ယောဂကျင့်စဉ်ကတော့ အလွယ်ဆုံးနဲ့ အသက်သာဆုံးပါပဲ။ ကြမ်းပြင်မှာ ခြေကား၊ လက်ကားပြီး လှဲပေးရမှာပါ။ မျက်စိမှိတ်ထားပြီး အသက်ကို ခပ်ပြင်းပြင်း ရှိုက်ရှူလိုက်၊ ရှူထုတ်လိုက်နဲ့ ၅ မိနစ်မှ ၁၀ မိနစ်အထိ အဆင်ပြေသလောက် လုပ်ပေးရင် ရပါပြီ။
