သွားဖြူဖြူလေးတွေ ရှိမယ်ဆိုရင် သင်ရယ်လိုက်တာနဲ့ သင့်ကိုယ်သင် ယုံကြည်မှု ရှိနေမှာပါ။ ဒါ့အပြင် ဘယ်အချိန် ရယ်ရယ် သင်စိတ်ပူစရာ မလိုပါဘူး။ သွားလေးတွေ ပုလဲလုံးလေးတွေလို ဖြူလာဖို့ ကိုယ့်အိမ်မှာ ထိန်းသိမ်းနိုင်မယ့် နည်းလမ်းကောင်းတွေ ရှိပါတယ်။ ဒီတော့ ဘယ်နည်းလမ်းတွေ ဖြစ်မလဲ ကြည့်လိုက်ရအောင်နော်-

၁။ သွားတိုက်ဆေးနဲ့ Baking Soda

သွားတိုက်ဆေးထဲကို Baking Soda အမှုန့် ဖြူးထည့်တာပဲ ဖြစ်ဖြစ်၊ ဒါမှမဟုတ် Baking Soda နဲ့ သွားတိုက်ဆေးကို ရောမွှေပြီးမှ ဒါကို သွားပေါ် တင်တာမျိုး လုပ်နိုင်ပါတယ်။ ပြီးရင်တော့ ဒီ အရောနဲ့ သွားတိုက်ပေးရပါမယ်။ သွားတိုက်တဲ့အခါ ၂ မိနစ်ထက်တော့ မပိုသင့်ပါဘူး။ ဒီနည်းလမ်းကို နေ့တိုင်း လုပ်စရာမလိုပါဘူး။ ဘာလို့လဲဆိုတော့ Baking Soda မှုန့်က သွားကြွေလွှာတွေကို ပါးသွားစေနိုင်လို့ပါ။

၂။ ကီဝီသီးနဲ့ Baking Soda

ကီဝီသီးက သွားဖြူစေတဲ့ အာနိသင် ရှိပါတယ်။ ကီဝီသီး တစ်ဝက်လောက် လှီးကာ ဇွန်းနဲ့ ချေပေးရပါမယ်။ ပြီးနောက် ဒီထဲကို Baking Soda မှုန့် ထည့်ကာ ရောမွှေပေးရပါမယ်။ ပြီးရင်တော့ ဒါနဲ့ သွားကို တိုက်ပေးရပါမယ်။ ၃ ပတ်လောက် ကြာတာနဲ့ သိသာတဲ့ ရလဒ်ကို မြင်လာပါလိမ့်မယ်။

၃။ သံပယိုရည်

ဒါအတွက် လိုအပ်တဲ့ ပစ္စည်းတွေကတော့- ရေအနည်းငယ်၊ သံပယိုရည်နဲ့ Baking Soda ဇွန်းဝက်တို့ပါ။ ဒီသုံးမျိုးကို ရောမွှေပြီးနောက် ၂ မိနစ်ခန့် ဒါနဲ့ သွားတိုက်ပေးရပါမယ်။ ဒီနည်းလမ်းကို နေ့တိုင်း လုပ်စရာ မလိုပါဘူး။

၄။ Hydrogen Peroxide နည်းလမ်း

Photo Source: Metro

Hydrogen Peroxide အရည်ထဲကို နားကျပ်တံနှစ်ပေးရပါမယ်။ ဒီ အရည်နှစ်ထားတဲ့ နားကျပ်တံနဲ့ သွားပေါ် တစ်ချောင်းချင်းစီ ပွတ်ပေးရပါမယ်။ ပြီးနောက် ၁ မိနစ်ခန့် ထားပေးရပါမယ်။ ပြီးရင်တော့ သွားတိုက်တံနဲ့ ပုံမှန်အတိုင်း တိုက်ပေးရပါမယ်။ ရေဆေးချပေးရပါမယ်။

၅။ သွားဖြူစေမယ့် အစားအသောက်များ

သွားဖြူစေဖို့အတွက် နည်းလမ်းတွေအပြင် စားပေးသင့်တဲ့ အစားအသောက်တွေလည်း ရှိပါတယ်။ ဒါတွေကတော့- ငှက်ပျောသီး၊ စတော်ဘယ်ရီသီး၊ အမျှင်ဓာတ်များတဲ့ အစားအသောက်၊ Apple Cider Vinegar နဲ့ နွားနို့တို့ပဲ ဖြစ်ပါတယ်။

Photo source: Pinterest

By MyStyle Myanmar