Glowing Skin လိုချင်တဲ့သူတွေအတွက် အိမ်မှာပဲ သဘာဝနည်းလမ်းတွေနဲ့ ပေါင်းတင်လို့ရအောင် မျက်နှာပေါင်းတင်နည်းတွေကို မျှဝေပေးလိုက်ပါတယ်။ လွယ်ကူတဲ့ နည်းလမ်းတွေဖြစ်တာကြောင့် ပုံမှန်ပေါင်းတင်ပေးမယ်ဆိုရင် Glowing Skin ရရှိလာမှာပါ။
ပျားရည်၊ သံပယိုရည်
ပထမဆုံး ပေါင်းတင်နည်းကတော့ ပျားရည် – လက်ဖက်ရည်ဇွန်း ၁ ဇွန်းနဲ့ သံပယိုရည် – အနည်းငယ်ကို ရောမွှေပြီး မျက်နှာမှာ လိမ်းပေးရမှာပါ။ မျက်လုံးနားတစ်ဝိုက်ကို ရှောင်ပြီးလိမ်းပေးပါ။ ပြီးရင် မနစ် ၂၀ ထားပြီးမှ မျက်နှာသစ်ပါ။ ဒီပေါင်းတင်နည်းကို လုပ်မယ်ဆိုရင် တစ်ပတ်မှာ ၂ ကြိမ်၊ ၃ ကြိမ် ပုံမှန်ပေါင်းတင်ပေးရပါမယ်။
Lavender Essential Oil, Avocado or Jojoba Oil
ဒုတိယပေါင်းတင်နည်းကတော့ Lavender Essential Oil – ၃ စက် ၄ စက်လောက်ကို Avocado or Jojoba Oil – လက်ဖက်ရည်ဇွန်း ၁ ဇွန်းနဲ့ ရောပြီးတော့ မျက်နှာကိုလိမ်းပေးပါ။ မိနစ် ၂၀၊ ၃၀ လောက်ထားပြီးမှ ရေကြက်သီးနွေးနဲ့ မျက်နှာသစ်ဆေးနဲ့ သေချာပြန်သစ်ပါ။ ဒီပေါင်းတင်နည်းကို လုပ်မယ်ဆိုရင် တစ်ပတ်မှာ ၃ ကြိမ် ပုံမှန်လုပ်ပေးပါ။
ရှားစောင်လက်ပတ်ဂျယ်လ်၊ သံပယိုရည်၊ ပျားရည်
တတိယပေါင်းတင်နည်းကတော့ ရှားစောင်လက်ပတ်ဂျယ်လ် – စားပွဲတင်ဇွန်း ၂ ဇွန်း၊ သံပယိုရည် – လက်ဖက်ရည်ဇွန်းတစ်ဝက်၊ ပျားရည် – လက်ဖက်ရည်ဇွန်း ၁ ဇွန်းကို ရောမွှေပြီး မျက်နှာကိုလိမ်းပေးပါ။ မျက်လုံးနားတစ်ဝိုက်ကို ရှောင်ပြီးလိမ်းပေးပါ။ ၁၅ မိနစ်လောက်ထားပြီးမှ မျက်နှာပြန်သစ်ပါ။ ဒီပေါင်းတင်နည်းကို လုပ်မယ်ဆိုရင် တစ်ပတ်မှာ ၂ ကြိမ် ပုံမှန်လုပ်ပေးပါ။
ဒိန်ချဉ်၊ နနွင်းမှုန့်
နောက်ဆုံးပေါင်းတင်နည်းကတော့ ဒိန်ချဉ် – စားပွဲတင်ဇွန်း ၂ ဇွန်းကို နနွင်းမှုန့် – လက်ဖက်ရည်ဇွန်း တစ်ဝက်နဲ့ ရောမွှေပြီး မျက်နှာကိုလိမ်းပေးရမှာဖြစ်ပါတယ်။ လိမ်းထားတာ ခြောက်သွားပြီဆိုရင် မျက်နှာသစ်လို့ရပါပြီ။ ဒီပေါင်းတင်နည်းကို လုပ်မယ်ဆိုရင် တစ်ပတ်မှာ ၂ ကြိမ်၊ ၃ ကြိမ် ပုံမှန်လုပ်ပေးပါ။
