Baking Soda ကိုသုံးပြီး ဂျိုင်းဖြူလာအောင်လုပ်နိုင်မယ့် နည်းလမ်း ၅ ခု

ဂျိုင်းမဲနေလို့ ဂျိုင်းဖြူချင်တဲ့သူတွေအတွက် သဘာဝနည်းလမ်းနဲ့ အိမ်မှာ လွယ်လွယ်ကူကူ လုပ်လို့ရအောင် Baking Soda နဲ့ ဂျိုင်းဖြူအောင်လုပ်လို့ရနိုင်မယ့် နည်းလမ်း ၅ ခုကို မျှဝေပေးလိုက်ပါတယ်။ ကိုယ်အဆင်ပြေတဲ့ နည်းလမ်းတစ်မျိုးကို ရွေးပြီးတော့ တစ်ပတ်မှာ ၂ ကြိမ် ပုံမှန်လုပ်ပေးရင် သိသာတဲ့ Result ကို ရရှိမှာပါ။

Baking Soda နဲ့ ရေ

အလွယ်ကူဆုံးနည်းလမ်းပဲ လုပ်ချင်တဲ့သူတွေကတော့ Baking Soda – စားပွဲတင်ဇွန်း ၂ ဇွန်းနဲ့ ရေ – စားပွဲတင်ဇွန်း ၁ ဇွန်းတို့ကို ရောမွှေပေးပါ။ ပြီးရင် ဂျိုင်းကို အရင်ဆုံး ရေနဲ့သန့်စင်ပါ။ သန့်စင်ပြီးမှ ခုနကရောမွှေထားတာကို ဂျိုင်းမှာလိမ်းပေးပါ။ ၂၅ မိနစ်လောက်ထားပြီးရင်တော့ ရေကြက်သီးနွေးနဲ့ သန့်စင်ပေးပါ။

Baking Soda နဲ့ အုန်းဆီ

Baking Soda – စားပွဲတင်ဇွန်း ၁ ဇွန်းနဲ့ အုန်းဆီကို ပျစ်ပျစ်လေးဖြစ်အောင် ရောမွှေပေးရမှာပါ။ ပြီးရင် ဂျိုင်းကို Circulation Motion ပွတ်ပေးပါ။ Scrub တိုက်သလိုပါပဲ။ ပွတ်ပြီးရင် ၁၅ မိနစ်ထား၊ ပြီးမှ ရေနဲ့သန့်စင်ပါ။

Baking Soda နဲ့ နွားနို့

Baking Soda – စားပွဲတင်ဇွန်း ၁ ဇွန်းကို နွားနို့နဲ့ ပျစ်ပျစ်လေးဖြစ်အောင် ရောမွှေပြီးတော့ ဂျိုင်းကို ပွတ်ပေးပါ။ မိနစ်ပိုင်းလောက်ထားပြီးတော့ ခြောက်သွားပြီဆိုမှ ရေကြက်သီးနွေးနဲ့ သန့်စင်ပေးပါ။

Baking Soda နဲ့ သံပယိုရည်

Baking Soda – စားပွဲတင်ဇွန်း ၁ ဇွန်းနဲ့ သံပယိုသီးတစ်ခြမ်းကို အရည်ညှစ်ချပြီး ရောမွှေပါ။ ပြီးရင် ဂျိုင်းကိုပွတ်ပေးပါ။ မိနစ် ၂၀ ထားပြီးမှ ရေခဲရေနဲ့ သန့်စင်ပေးပါ။

Baking Soda နဲ့ ပျားရည်

Baking Soda – စားပွဲတင်ဇွန်း ၁ ဇွန်းကို ပျားရည် – စားပွဲတင်ဇွန်း ၁ ဇွန်းနဲ့ ရောမွှေပြီး ဂျိုင်းကို ပွတ်ပေးပါ။ မိနစ် ၂၀ ထားပြီးမှ ရေကြက်သီးနွေးနဲ့ သန့်စင်ပေးရမှာ ဖြစ်ပါတယ်။