ပျားရည်က အလှအပ ပစ္စည်းအများစုမှာ ပါဝင်သလို သင့်ကျန်းမာရေးအတွက်လည်း သင့်တော်တဲ့ အရည်တစ်မျိုး ဖြစ်ပါတယ်။ ပျားရည်ကို အလှအပ ရည်ရွယ်ချက် အမျိုးမျိုးအတွက် အသုံးပြုနိုင်ပါတယ်​။ ပျားရည်နဲ့ သင့်အလှအပ ပိုတိုးအောင် ဖန်တီးနိုင်ပါတယ်။ ဒီတော့ ပျားရည်ကို သုံးကာ သင့်တစ်ကိုယ်လုံးရဲ့ ဘယ်နေရာမှာ ပိုလှသွားအောင် လုပ်နိုင်မလဲ ကြည့်လိုက်ရအောင်-

ဝက်ခြံသက်သာဖို့

ပျားရည်ကို ဝက်ခြံတွေ သက်သာလာဖို့ ဆေးအနေနဲ့ သုံးနိုင်ပါတယ်။ ပျားရည်မှာ ဘတ်တီးရီးယား ပိုးမွှားတွေ သေစေနိုင်တဲ့ အာနိသင် ရှိပါတယ်။ ဝက်ခြံပေါ် ပျားရည်အနည်းငယ် လူးပြီးနောက် ပလာစတာနဲ့ ကပ်ထားနိုင်ပါတယ်။

ဆံပင် အဖျားနှစ်ခွ ဖြစ်တာတွေအတွက်

 

ဒီနည်းလမ်းမှာ ပျားရည်နဲ့ သံလွင်ဆီကို ရောပေးရပါမယ်။ ပြီးနော​က် ဒါကို ဆံသားပေါ် လိမ်းပေးရပါမယ်။ ဒီနည်းလမ်းက သင့်ဆံသား ချောမွေ့စေသလို အဖျားနှစ်ခွ ဖြစ်တာတွေ သက်သာကာ ဆံပင် တောက်ပစေပါတယ်။

နှုတ်ခမ်းလေး ပန်းရောင်သန်းဖို့

ပျားရည်နဲ့ Ghee ထောပတ်ကို ရောပေးရပါမယ်။ ဒါကို အိပ်ရာမဝင်ခင် နှုတ်ခမ်းပေါ် လိမ်းရပါမယ်။ ဒီနည်းလမ်းက နှုတ်ခမ်းသား ပန်းရောင်သန်းလာကာ နှုတ်ခမ်းခြောက်တာပါ သက်သာစေပါတယ်။

မျက်တွင်းညိုတာအတွက်

ပျားရည် အနည်းငယ်နဲ့ Almond Oil အနည်းငယ်ကို ရောမွှေကာ မျက်လုံးအောက်မှာ လိမ်းနိုင်ပါတယ်။ ဒီလိုလိမ်းပေးတာက မျက်အိတ် ဖောင်းတာနဲ့ မျက်တွင်းညိုတာကို သက်သာစေပါတယ်။

အမာရွတ် သက်သာဖို့

ပျားရည်ကို ရှားစောင်းလတ်ပတ်ဂျယ်နဲ့ ရောကာ အမာရွတ်နဲ့ အစက်အပြောက်တွေပေါ် လိမ်းပေးနိုင်ပါတယ်။ မအိပ်ခင် အမာရွတ်တွေပေါ် လိမ်းပေးနိုင်ပါတယ်။

အမည်းစက် သက်သာဖို့

နှာခေါင်းပေါ်က အမည်းစက်တွေ မရှိတော့အောင် ပျားရည်နဲ့ Cinnamon ကို ရောကာ အမည်းစက်တွေပေါ် လိမ်းပေးနိုင်ပါတယ်။

Photo Source: Pinterest

By MyStyle Myanmar