ကျောရိုးအတွက်ကောင်းပြီး လုပ်ရလွယ်ကူတဲ့ အကြောလျှော့လေ့ကျင့်ခန်းတွေ

တစ်နေကုန်ထိုင်ပြီး အလုပ်လုပ်ရတဲ့သူတွေအနေနဲ့ သူတို့ရဲ့ ခါးနောက်ကျောကို ဂရုစိုက်ပေးသင့်ပါတယ်။ အကြောတွေတင်းမာနေရင် နေရထိုင်ရတာ အဆင်မပြေတဲ့အပြင် ခါးနာရောဂါတွေ ခံစားရနိုင်ပါတယ်။ ဒါကြောင့် ခဏတာ အနားယူပြီး အကြောလျှော့လေ့ကျင့်ခန်းလေးတွေ ပြုလုပ်ပေးသင့်တာပါ။

အခုတစ်ခေါက်မှာတော့ ကျောရိုးအတွက်ကောင်းပြီး လုပ်ရလွယ်ကူတဲ့ အကြောလျှော့လေ့ကျင့်ခန်းတွေကို ဖော်ပြပေးသွားမှာပါ။

Cow-face pose

ပထမဆုံးကြမ်းပြင်ပေါ်ထိုင်ချလိုက်ပါ။ ပြီးရင် အသက်ပြင်းပြင်းတစ်ချက်ရှုသွင်းလိုက်ပါ။ ဘယ်ဘက် ဒူးကို ရှေ့သို့ထုတ်ကာ ခြေထောက်ကို ညာဘက်တင်ပါးအောက်မှာထားလိုက်ပါ။

ပြီးတာနဲ့ ညာဘက်ခြေထောက်ကို ဘယ်ဘက်ခြေထောက်အပေါ်တင်လိုက်ပါ။

ကျောရိုးကို တက်နိုင်သမျှ ဆွဲဆန့်လိုက်ပါ။

Child stretch

ဒီလေ့ကျင့်ခန်းကို လုပ်ဖို့အတွက် ဒူးထောက်လိုက်ပါ။ ပြီးရင် လက်ကို အပေါ်သို့ ဆန့်ထုတ်လိုက်ပြီး တရုတ်လူမျိုးတို့ အရိုအသေပေး ကန်တော့သလိုမျိုး အနေအထားအတိုင်းနေပေးပါ။

ခါးကို ဆန့်နိုင်သလောက် ဆန့်ထုတ်ပေးပါ။ ဒီပုံစံအတိုင်း စက္ကန့် (၂၀) သို့ (၃၀) ခန့်နေပေးပါ။ ပြီးရင် မူလပုံစံအတိုင်း ပြန်နေပေးပါ။

Chest to knees stretch

ကြမ်းပြင်ပေါ် ပက်လက် လဲချလိုက်ပါ။ လက်နှစ်ဖက်ကို ဒူးအောက်နားကနေကိုင်ပြီး ရင်ဘက်ပေါ် ရောက်သည့်အထိ ဖြည်းညင်းစွာ ဆွဲယူလိုက်ပါ။

တင်ပါးကို ကြမ်းပြင်နဲ့ အနည်းငယ်လွှတ်ကင်းသည့်အထိ မတင်လိုက်ပါ။ ဒီလိုလုပ်ခြင်းအားဖြင့် နောက်ကျောကို နှိပ်ပေးသလိုဖြစ်စေပါတယ်။ ဒီပုံစံအတိုင်း (၂၀) စက္ကန့်ခန့်နေပေးပါ။

Lower back rotational stretch