ဆံသားနူးညံ့ပြီးပျော့ပြောင်းလာစေဖို့အတွက် ရိုးရှင်းတဲ့ဆံပင်ပေါင်းတင်နည်းများ

ဆံသားနူးညံ့ပြီး ပျော့ပြောင်းလာစေဖို့အတွက် ရိုးရှင်းတဲ့ ဆံပင်ပေါင်းတင်နည်းတွေကို မျှဝေပေးလိုက်ပါတယ်။ ဆံသားကြမ်းလို့ စိတ်ညစ်နေတဲ့သူတွေနဲ့ ဆံသားပျော့ပြောင်းချင်တဲ့ သူတွေအတွက် အသုံးဝင်မယ့် နည်းလမ်းတွေဖြစ်မှာပါ။ ဒီထဲက ကိုယ်အဆင်ပြေရာတစ်မျိုးကို ရွေးလုပ်ရုံပါပဲ။

ရှားစောင်းလက်ပတ်

ရှားစောင်းလက်ပတ်အပင်ကိုယူပြီး အထဲကအသားကို စားပွဲတင်ဇွန်း ၂ ဇွန်းစာ ခြစ်ယူပြီး ရေ – စားပွဲတင်ဇွန်း ၂ ဇွန်းနဲ့ သေချာသမအောင်ရောမွှေပါ။ ပြီးရင် Spray ဘူးအသန့်ထဲ ထည့် Shake လုပ်ပြီး ဆံသားကို ဖြန်းပေးပါ။ တစ်ပတ်မှာ ၃ ကြိမ်၊ ၄ ကြိမ် ဖြန်းပေးပါ။ ခေါင်းလျှော်မယ့်နေ့ဆိုရင် ဖြန်းပြီး ခြောက်သွားပြီဆိုမှ ခေါင်းလျှော်ပေးပါ။

ဒိန်ချဉ်

ဒိန်ချဉ် – တစ်ခွက်ကို Amla Powder – စားပွဲတင်ဇွန်း ၂ ဇွန်းနဲ့ ရောမွှေပြီး ဦးရေပြားနဲ့ ဆံသားကို လိမ်းပေးပါ။ မိနစ် ၃၀ ထားပြီးမှ Mild ဖြစ်တဲ့ Sulfate-free Shampoo နဲ့ ခေါင်းလျှော်ပေးပါ။ ပြီးရင် Conditioner သုံးပေးဖို့လည်း မမေ့ပါနဲ့။ ဒီနည်းလမ်းကိုတော့ တစ်ပတ်မှာ ၁ ကြိမ် (သို့) ၂ ကြိမ် လုပ်ပေးနိုင်ပါတယ်။

ကြက်ဥ

ကြက်ဥ – ၁ လုံး၊ သံလွင်ဆီ – စားပွဲတင်ဇွန်း ၁ ဇွန်း၊ ပျားရည် – စားပွဲတင်ဇွန်း ၁ ဇွန်းတို့ကို ရောမွှေပြီး ဦးရေပြားနဲ့ ဆံသားအနှံ့ လိမ်းပေးပါ။ ပြီးရင် Shower Cap နဲ့အုပ်ပြီး မိနစ် ၃၀ ထားပါ။ အချိန်ပြည့်မှ ခုနကလိုပဲ Mild ဖြစ်တဲ့ Sulfate-free Shampoo နဲ့ ခေါင်းလျှော်ပေး၊ Conditioner သုံးပေးပါ။ ဒီနည်းလမ်းကို လုပ်မယ်ဆိုရင်လည်း တစ်ပတ်မှာ ၁ ကြိမ် (သို့) ၂ ကြိမ် လုပ်ပေးနိုင်ပါတယ်။

Apple Cider Vinegar

Apple Cider Vinegar – စားပွဲတင်ဇွန်း ၁ ဇွန်းနဲ့ ရေ – တစ်ခွက်ကို ရောမွှေပြီး ခေါင်းလျှော်လိုက်ပါ။ ပြီးရင် ချက်ချင်းရေဆေးမချပဲ လက်ချောင်းလေးတွေနဲ့ ဦးရေပြားကို Massage လုပ် နှိပ်နယ်ပေးပါ။ ပြီးမှသာ Mild ဖြစ်တဲ့ Sulfate-free Shampoo နဲ့ ခေါင်းလျှော်ပေး၊ Conditioner သုံးပေးပါ။ ဒီနည်းလမ်းကို လုပ်မယ်ဆိုရင်တော့ တစ်ပတ်မှာ တစ်ကြိမ်ပဲ လုပ်ပေးပါ။