တော်တော်များများက ဆောင်းရာသီရောက်မှ ဦးရေပြားခြောက်ပြီး ဗောက်ထတာပါ။ ဒါပေမယ့် တချို့ကျတော့ အချိန်တိုင်း ဗောက်ထနေတာပါ။ ဗောက်ရှိရင် နည်းနည်းလေးယားလို့ ကုတ်လိုက်တာနဲ့ ခေါင်းမှာ အဖြူမှုန်လေးတွေပျံ့ပြီး မြင်နေရတာဆိုတော့ လူကြားထဲရောက်ရင် အဆင်မပြေဖြစ်ရပါတယ်။ ဒါကြောင့် ဒီလို အချိန်တိုင်းဗောက်ထနေတဲ့ ဦးရေပြားအတွက် ထိရောက်တဲ့ Hair Mask တွေနဲ့ ပြုလုပ်နည်းတွေကို မျှဝေပေးလိုက်ပါတယ်။
ဒိန်ချဉ်၊ ပျားရည်၊ သံပယိုရည်
ဒိန်ချဉ် – ခွက်တစ်ဝက်စာ၊ သံပယိုရည် – စားပွဲတင်ဇွန်း ၁ ဇွန်း၊ ပျားရည် – စားပွဲတင်ဇွန်း ၁ ဇွန်းတို့ကို ရောမွှေပြီး ဦးရေပြားနဲ့ ဆံသားကို သေချာနှံ့အောင် လိမ်းပေးပါ။ ပြီးရင် မိနစ် ၃၀ ထားပြီးမှ ခေါင်းလျှော်ပါ။ ဗောက်ထတယ်ဆိုရင် Shampoo သုံးတဲ့အခါ Mild ဖြစ်တဲ့ Sulfate-free Shampoo ကို သုံးပေးပါ။ ဒီ Hair Mask ကို လုပ်မယ်ဆိုရင် တစ်ပတ်တစ်ကြိမ် (သို့) နှစ်ကြိမ် ပုံမှန်လုပ်ပေးပါ။
Green Tea, Peppermint Essential Oil နဲ့ ရှာလကာရည်
Green Tea – တစ်ခွက်ထဲကို Peppermint Essential Oil – ၂ စက်၊ ၃ စက်နဲ့ ရှာလကာရည် – လက်ဖက်ရည်ဇွန်း ၁ ဇွန်းတို့ ရောထည့်ပြီး မွှေပေးပါ။ ပြီးရင် ဦးရေပြားကနေ လောင်းချပြီး ၅ မိနစ်လောက် လက်ချောင်းလေးတွေနဲ့ Massage လုပ် နှိပ်နယ်ပေးပါ။ အချိန်ပြည့်ရင် ခုနကလိုပဲ Mild ဖြစ်တဲ့ Sulfate-free Shampoo နဲ့ ခေါင်းလျှော်ပေးပါ။ ဒီ Hair Mask ကို လုပ်မယ်ဆိုရင် တစ်ပတ်တစ်ကြိမ်ပဲ ပုံမှန်လုပ်ပေးပါ။
ငှက်ပျောသီး၊ ပျားရည်၊ သံပယိုရည်၊ သံလွင်ဆီ
ငှက်ပျောသီးအမှည့် – ၂ လုံး၊ ပျားရည် – စားပွဲတင်ဇွန်း ၁ ဇွန်း၊ သံပယိုရည် – စားပွဲတင်ဇွန်း ၁ ဇွန်း၊ သံလွင်ဆီ – စားပွဲတင်ဇွန်း ၁ ဇွန်းတို့ကို ရောမွှေပြီး ဦးရေပြားနဲ့ ဆံသားကို သေချာနှံ့အောင် လိမ်းပေးပါ။ ပြီးရင် မိနစ် ၃၀ ထားပြီးမှ Mild ဖြစ်တဲ့ Sulfate-free Shampoo နဲ့ ခေါင်းလျှော်ပေးပါ။ ဒီ Hair Mask ကို လုပ်မယ်ဆိုရင်လည်း တစ်ပတ်တစ်ကြိမ်ပဲ ပုံမှန်လုပ်ပေးရင် ရပါတယ်။
ထောပတ်သီး၊ ပျားရည်၊ သံလွင်ဆီ
ထောပတ်သီးအမှည့် – ၁ လုံး၊ ပျားရည် – စားပွဲတင်ဇွန်း ၂ ဇွန်း၊ သံလွင်ဆီ – စားပွဲတင်ဇွန်း ၂ ဇွန်းတို့ကို သမအောင် ရောခလောက်ပြီးမွှေပေးပါ။ ပြီးရင် ဦးရေပြားအနှံ့ သေချာလိမ်းပေးပြီး ပိုတာကို ဆံသားကိုလိမ်းပေးပါ။ ပြီးရင်တော့ ၄၅ မိနစ် ပေါင်းထားပြီး Mild ဖြစ်တဲ့ Sulfate-free Shampoo နဲ့ ခေါင်းလျှော်ပေးပါ။ ဒီ Hair Mask ကို လုပ်မယ်ဆိုရင်လည်း တစ်ပတ်ကိုတစ်ကြိမ်ပဲ လုပ်ပေးရင် ရပါတယ်။
