ဆံပင်က ပါးတဲ့အပြင် ပျက်စီးနေတယ်ဆိုရင်တော့ Hair Care သေချာလုပ်သင့်ပါတယ်။ ကိုယ့်ဆံသားကို သေချာဂရုမစိုက်ရင် ဆံပင်ကျွတ်ပြီး ပိုပါးလာမှာပါ။ ဒါကြောင့် ပါးပြီးပျက်စီးနေတဲ့ ဆံသားအတွက် အသင့်တော်ဆုံးဖြစ်တဲ့ Hair Mask တွေကို မျှဝေပေးလိုက်ပါတယ်။
ဘီယာနဲ့ကြက်ဥအနှစ်
ဘီယာက ဆံသားတောက်ပြောင်စေဖို့ ကူညီပေးပြီး ကြက်ဥအနှစ်ကတော့ ဆံပင်သန်ပြီး ထူလာစေဖို့ ကူညီပေးပါတယ်။
လုပ်ရမယ့်နည်းလမ်းကတော့ ဘီယာတစ်ခွက်ကို ကြက်ဥတစ်လုံး (အနှစ်) နဲ့ ရောမွှေပြီး ဦးရေပြားနဲ့ ဆံသားအနှံ့ လိမ်းထားပါ။ ပြီးရင် ပလက်စတစ်ခေါင်းပေါင်းနဲ့ အုပ်ထားပြီး တစ်နာရီထားပါ။ အချိန်ပြည့်မှ ခေါင်းသေချာ ပြန်လျှော်ပေးပါ။
ဂျင်းနဲ့သံလွင်ဆီ
ဂျင်းနဲ့သံလွင်ဆီက ဆံသားအတွက်လိုအပ်တဲ့ Vitamin နဲ့ Protein ဓာတ်ကို ရစေပြီး ဆံသားသန်စွမ်းစေပါတယ်။
လုပ်ရမယ့်နည်းလမ်းကတော့ သံလွင်ဆီ ၄ ဇွန်းကို ဂျင်းအမှုန့်နဲ့ ပျစ်ပျစ်လေးဖြစ်အောင် ရောမွှေပြီး ဦးရေပြားကို လိမ်းပေးပါ။ ပြီးရင် နည်းနည်းကြာအောင်ထားပြီးမှ ခေါင်းလျှော်ပေးပါ။
အုန်းနို့နဲ့သံလွင်ဆီ
အုန်းနို့မှာကလည်း Vitamin နဲ့ Healthy Fats တွေ ပါဝင်တာကြောင့် ဆံသားကျန်းမာ သန်စွမ်းစေပါတယ်။
လုပ်ရမယ့်နည်းလမ်းကတော့ အုန်းနို့နဲ့သံလွင်ဆီကို ဆတူရောမွှေပြီး ဆံသားနဲ့ ဦးရေပြားအနှံ့ လိမ်းပေးပါ။ ပြီးရင် တစ်နာရီထားပြီးမှ ခေါင်းလျှော်ပေးပါ။
ကြက်ဥ၊ သံပယိုရည်၊ ပျားရည်၊ အုန်းဆီ
ဒီ Hair Mask ကတော့ ဆံသားအတွက် လိုအပ်တဲ့ အာဟာရဓာတ်ကို ဖြည့်ပေးပြီး ဆံပင်ပါးတာမျိုးမဖြစ်အောင် ကြိုတင်ကာကွယ်ပေးတယ်၊ ဆံပင်သန်စေပါတယ်။
လုပ်ရမယ့် နည်းလမ်းကတော့ ကြက်ဥ တစ်လုံးကို သံပယိုရည် နှစ်ဇွန်း၊ ပျားရည် တစ်ဇွန်း၊ အုန်းဆီ တစ်ဇွန်းနဲ့ ရောမွှေပြီး ဦးရေပြားနဲ့ ဆံသားအနှံ့လိမ်းပေးပါ။ မိနစ် ၂၀ ထားပြီးမှ ခေါင်းလျှော်ပေးပါ။
