မိတ်ကပ်ထူထူမလိမ်းချင်တဲ့သူတွေ ပေါ့ပေါ့ပါးပါးသုံးနိုင်မယ့် SPF ပါတဲ့ Tone-Up Sunscreen (၆) မျိုး

မင်္ဂလာပါနော်။ အခုလိုရာသီဥတုပူပြီး ချွေးထွက်များတဲ့အချိန် မိတ်ကပ်ပြင်ရင်း Foundation မလိမ်းချင်တော့တဲ့သူတွေရှိလား။ ဒါဆိုရင်တော့ Foundation အစား Natural ဆန်ပြီး ပေါ့ပေါ့ပါးပါးနဲ့ အချိန်လည်း မပေးရတဲ့ Tone-Up Sunscreen တွေသုံးဖို့ အကြံပေးချင်ပါတယ်။ Tone-Up Sunscreen တွေဆိုတာ SPF ပါတာမို့ Skincare လည်းဖြစ်သလို အသားကိုတစ်ဆင့်ပိုဖြူစေတဲ့ မိတ်ကပ်သားပါလို့ Foundation အနေနဲ့ပါ သုံးလို့ရတဲ့ ပစ္စည်းဖြစ်ပါတယ်။ ပုံမှန် Sunscreen လိမ်းသလိုပဲ လိမ်းလိုက်ရုံနဲ့ မိတ်ကပ်ပါးပါးလေး လိမ်းထားသလိုမြင်ရမှာပါ။ ဒီတော့ စိတ်ဝင်စားတဲ့သူတွေအတွက် Natural Glow လေးရစေမယ့် Tone-Up Sunscreen တွေကို ဖော်ပြပေးလိုက်ပါတယ်။

Innisfree Jeju Cherry Blossom Tone-up Cream

Hydrating ဖြစ်ပြီး လိမ်းရပေါ့ပါးတာမို့ ချွေးထွက်လာလည်း ဖြူတာကွက်တာတွေမဖြစ်ဘဲ အသားထဲစိမ့်ဝင်လွယ်တဲ့ Cream လေးဖြစ်ပါတယ်။ အသားအရေလေးကို Natrual ဆန်ဆန် Glow စေမှာပါ။

COSRX Sunny Snail Tone Up Cream

စေးကပ်မှုမရှိဘဲ Powder ပါးပါးလေး ဖြည့်ထားသလို မိတ်ကပ်သိပ်သိပ်လေးရစေမယ့် Cream လေးပါ။ အစိုဓာတ်ဖြည့်ပေးပြီး အသားအရေ Soft ဖြစ်စေတာမို့ အဆီပြန်သူတွေ၊ Combination အသားအရေရှိသူတွေအတွက် ပူတဲ့ရာသီမှာသုံးဖို့ အဆင်ပြေပါတယ်။

Heimish Bulgarian Rose Tinted Tone-up Sunscreen

Heimish ရဲ့နာမည်ကြီးဖြစ်တဲ့ ဒီ Tone-up Sunscreen လေးက စေးကပ်မှုမရှိတာမို့ Oily Skin တွအတွက်အဆင်ပြေသလို သူ့မှာပါတဲ့ Pink Tone Up က အသားအရေကို ပန်းစီရောင်လေးသန်းပြီး ပြောင်ပြောင်လေးဖြစ်စေမှာပါ။

Innisfree Tone Up No Sebum Sunscreen

Innisfree ရဲ့ No Sebum Sunscreen လေးကလည်း Lightweight ဖြစ်ပြီး Greea Tea လို သဘာ၀ Antioxidant တွေပါတာမို့ နေ့စဉ်သုံးအတွက်အရမ်းအဆင်ပြေပါတယ်။ အဆီပြန်တာကို ထိန်းချုပ်ပေးနိုင်လို့ Oily Skin တွေအတွက်အသုံးဝင်မှာပါ။

Sunplay Skin Aqua Tone Up UV Essence Sunscreen

ဂျပန်နိုင်ငံထုတ် ဒီ Tone Up လေးကလည်း နေလောင်ဒဏ်ကနေ အပြည့်အဝကာကွယ်ပေးနိုင်သလို Waterproof ဖြစ်တာမို့ လိမ်းထားပြီးနောက် ကြာရှည်လည်းခံပါတယ်။ အသားအရေကိုအစိုဓာတ်ကောင်းကောင်းပေးနိုင်တာမို့ မျက်နှာအပြင် ခန္ဓာကိုယ်အတွက်ပါသုံးလို့ရတဲ့ ပစ္စည်းပါ။

Laneige White Dew Tone Up Fluid

မျက်နှာပေါ်က အပြစ်အနာအဆာမှန်သမျှဖုံးပေးပြီး အသားနီမြန်းတာသက်သာစေတဲ့ ဒီ Cream လေးက လိမ်းပြီးတဲ့နောက် ၈ နာရီကျော်အထိခံပါတယ်နော်။ Foundation မလိုဘဲ ဖြူပြီး Glow နေတဲ့မျက်နှာလေး ပိုင်ဆိုင်စေမှာပါ။