ဂျိုင်းမှာအဖုလေးတွေထတာမျိုးက များသောအားဖြင့်တော့ ဇာဂနာနဲ့ ဂျိုင်းမွှေးနှုတ်တဲ့အခါမှာ ဖြစ်လေ့ရှိသလို အသားအရေ ပြဿနာကြောင့် ယားယံပြီးတော့လည်း ဖြစ်တတ်ပါတယ်။ ဒီလို ဂျိုင်းမှာအဖုလေးတွေ ထနေရင် ဒီတိုင်းမထားပဲ သက်သာသွားအောင် လုပ်လို့ရတဲ့အတွက် လုပ်ရလွယ်ကူတဲ့ Home Remedies တွေကို မျှဝေပေးလိုက်ပါတယ်။

အုန်းဆီစစ်စစ်

အုန်းဆီစစ်စစ်ကို ဂျိုင်းမှာ ပွတ်ပေးပြီး မိနစ် ၃၀ ထားပါ။ ပြီးမှ ရေကြက်သီးနွေးနဲ့ သန့်စင်ပေးပါ။ အုန်းဆီက ဂျိုင်းအသားအရေကို ချောမွေ့စေပြီး Moisturizing ဖြစ်စေပါတယ်။ ဒါကြောင့် အဖုလေးတွေလည်း သက်သာပြီး ဂျိုင်းသားချောမွေ့လာစေပါတယ်။

ရေခဲတုံး

ရေခဲတုံးကပ်ပေးခြင်းက ဂျိုင်းယားတာ၊ အဖုထတာကို သက်သာစေတဲ့ အလွယ်ကူဆုံး နည်းလမ်းဖြစ်ပါတယ်။

နေကြာဆီ

နေကြာဆီက Skin Barrier ပိုကောင်းလာစေပြီး ဂျိုင်းအသားအရေကို ချောမွေ့စေတယ်၊ ဂျိုင်းမှာ အဖုလေးတွေထတာ သက်သာစေပါတယ်။ နေကြာဆီကို နည်းနည်းယူပြီး ဂျိုင်းမှာပွတ်လိမ်းကာ ၁၅ မိနစ်မှ မိနစ် ၃၀ အထိ ထားပေးပါ။ အချိန်ပြည့်ရင် ရေနဲ့သန့်စင်လိုက်ရုံပါပဲ။

Shea Butter

Shea Butter ကို ဂျိုင်းမှာလိမ်းပြီး မိနစ် ၃၀ ထားပါ။ အချိန်ပြည့်ရင် ရေနဲ့ပြန်စင်ပေးပါ။ ဒီလိုလုပ်ပေးခြင်းက ဂျိုင်းအသားအရေကို Moisturizing ဖြစ်စေပြီး ဂျိုင်းအသားအရေ ချောမွေ့စေတယ်၊ ယားယံတာတွေနဲ့ အဖုထတာတွေလည်း သက်သာစေပါတယ်။

Chamomile Tea Bag

Chamomile Tea Bag က အသားအရေကို Soothing Effect ရစေပြီး ယားယံတာတွေ သက်သာစေပါတယ်။ Soothing Effect ရစေတဲ့အတွက် ဂျိုင်းမှာ အဖုလေးတွေထတာလည်း သက်သာစေပါတယ်။ Chamomile Tea Bag ကို ရေနွေးထဲ မိနစ်အနည်းငယ် ထည့်စိမ်ပါ။ ပြီးရင် Tea Bag ကို အပြင်ထုတ်ပြီး အအေးခံထားပါ။ အေးသွားပြီဆိုရင် ဂျိုင်းသားပေါ် တင်ထားပေးရမှာ ဖြစ်ပါတယ်။