နှလုံးရောဂါဖြစ်နိုင်ချေကို အကောင်းဆုံးကာကွယ်ဖို့ကတော့ ဗိုက်အဆီကိုဂရုစိုက်ဖို့ပါပဲ။ ကျွမ်းကျင်သူတွေကတော့ ဒီလိုပဲအကြံပေးထားကြပါတယ်။ ဝမ်းဗိုက်မှာ အဆီပိုတွေရှိမနေခြင်းက ကျန်းမာရေးအတွက်လည်း ကောင်းမွန်သလို မိမိကိုယ်ကို ယုံကြည်မှုလည်း ရှိစေပါတယ်။ ဒီနေ့ MyStyle Myanmar ကနေပြီး ဗိုက်ချပ်စေမယ့် လွယ်ကူရိုးရှင်းတဲ့ လေ့ကျင့်ခန်းတွေကို ဖော်ပြပေးသွားမှာပါ။
Crunches
- ဖျာပေါ်မှာ သက်သောင့်သက်သာအနေအထား လဲလျောင်းလိုက်ပါ။
- ဒူးကိုကွေးလိုက်ပါ။
- ဝမ်းဗိုက်ကြွက်သားတွေကို အသုံးပြုပြီး ပုခုံးကိုအပေါ်သို့ မတင်လိုက်ပါ။ ဒီလေ့ကျင့်ခန်းကို (၁၅) ကြိမ်ခန့်ပြုလုပ်ပေးပါ။
Double leg reach
- ခြေထောက်ကိုဆွဲဆန့်ထားပြီး လက်ကိုအပေါ်သို့မြောက်ထားက ဖျာပေါ်လဲလျောင်းလိုက်ပါ။
- ဝမ်းဗိုက်ကြွက်သားတွေကို အသုံးပြုပြီး ခြေထောက်ကို ကြမ်းပြင်ကနေ (၄၅) ဒီဂရီရောက်သည့်အထိ မတင်လိုက်ပါ။ အပေါ်ရောက်တဲ့အချိန်မှာ ခဏရပ်လိုက်ပါ။
- ပြီးတာနဲ့ ဖြည်းညင်းစွာ မူလအနေအထားအတိုင်း ပြန်နေလိုက်ပါ။ ဒီလေ့ကျင့်ခန်းကို (၁၀) ကြိမ်ခန့်ပြုလုပ်ပေးပါ။
Arm plank with knee dip
- Plank အနေအထား နေလိုက်ပါ။ ခန္ဓာကိုယ်အလေးချိန်ကို လက်ပေါ်မှာရှိနေပါစေ။
- ပြီးတာနဲ့ ဘယ်ဖက်ခြေထောက်ကို ကွေးပြီးခါးဖက်သို့ တွန်းလိုက်ပါ။ ပြီးရင် စက္ကန့်အနည်းငယ် ဒီပုံစံအတိုင်းနေပေးပါ။
- ပြီးတာနဲ့ ခြေထောက်ကို မူလအတိုင်းနေရာပြန်ချလိုက်ပါ။ နောက်ခြေထောက်တစ်ချောင်းကိုလည်း ထိုနည်း၎င်း ပြုလုပ်ပေးပါ။ ဒီလေ့ကျင့်ခန်းကို (၁၅) ကြိမ်ခန့်ပြုလုပ်ပေးပါ။
Roll-ups
- ခြေလက်တွေ ဆန့်ထားပြီး ဖျာပေါ်လဲလျောင်းလိုက်ပါ။
- ပြီးတာနဲ့ ဝမ်းဗိုက်ကြွက်သားတွေကို အသုံးပြုပြီး ထိုင်လျက်အနေအထားဖြစ်အောင် လက်ကိုအပေါ်သို့မတင်လိုက်ပါ။
- ဝမ်းဗိုက်ကြွက်သားတွေကို ညစ်ထားကာ မူလအနေအထားပြန်ရောက်အောင် ဖြည်းညင်းစွာ လဲချလိုက်ပါ။ ဒီလေ့ကျင့်ခန်းကို (၁၀) ကြိမ်ခန့်ပြုလုပ်ပေးပါ။
Windshield
- ဖျာပေါ်လဲလျောင်းပြီး ခြေထောက်ကို မိုးပေါ်မြောက်ထားပါ။
- လက်ကို ဘေးနှစ်ဖက်သို့ ဆန့်ထုတ်ထားပါ။
- ဝမ်းဗိုက်ကြွက်သားကို ညစ်ထားပြီး ခြေထောက်တွေကိုဘေးဖက်သို့ ဖြည်းညင်းစွာ ချလိုက်ပါ။
- နောက်တစ်ဖက်ကိုလည်း ထိုနည်းအတိုင်းပြုလုပ်ပေးပါ။ ဒီလေ့ကျင့်ခန်းကို (၁၀) ကြိမ်ခန့်ပြုလုပ်ပေးပါ။
Source: BrightSide
