ဆံပင်ကျွတ်တာသက်သာစေဖို့ ကူညီပေးမယ့် Hair Mask လုပ်နည်းများ

ဆံပင်ကျွတ်လို့ စိတ်ညစ်နေရတဲ့သူတွေအတွက် ဆံပင်ကျွတ်တာ သက်သာစေဖို့ ကူညီပေးမယ့် Hair Mask လုပ်နည်းတွေကို မျှဝေပေးလိုက်ပါတယ်။ သဘာဝနည်းလမ်းတွေနဲ့ ကိုယ်တိုင်အိမ်မှာလုပ်ပြီး ပေါင်းတင်လို့ရတဲ့အတွက် ပိုပြီးအဆင်ပြေမှာပါ။ ဒီနည်းလမ်းတွေထဲကမှ ကိုယ်နှစ်သက်ရာတစ်မျိုးကို လုပ်ပေးရုံပါပဲ။

ကြက်ဥ Hair Mask

ကြက်ဥ Hair Mask လုပ်ဖို့အတွက် ကြက်ဥ – ၁ လုံး၊ နွားနို့ – ၁ ခွက်၊ သံပယိုရည် – စားပွဲတင်ဇွန်း ၂ ဇွန်း၊ သံလွင်ဆီ – စားပွဲတင်ဇွန်း ၂ ဇွန်းတို့ လိုပါတယ်။

အရင်ဆုံး ကြက်ဥကို ခလောက်ပါ။ ပြီးမှ ထည့်ရမယ့်ပစ္စည်းတွေအားလုံးကို ရောထည့်ပြီး သေချာမွှေပေးပါ။ ပြီးရင်တော့ ဆံသားနဲ့ဦးရေပြားကို သေချာနှံ့အောင်လိမ်းပေးပြီး Shower Cap နဲ့ အုပ်ထားပြီး မိနစ် ၂၀ ထားပါ။ အချိန်ပြည့်မှ ခေါင်းလျှော်ပေးလိုက်ရုံပါပဲ။

ငှက်ပျောသီး Hair Mask

ငှက်ပျောသီး Hair Mask လုပ်မယ်ဆိုရင်တော့ ငှက်ပျောသီးအမှည့် – ၂ လုံး၊ သံလွင်ဆီ – စားပွဲတင်ဇွန်း ၁ ဇွန်း၊ အုန်းဆီ – စားပွဲတင်ဇွန်း ၁ ဇွန်း၊ ပျားရည် – စားပွဲတင်ဇွန်း ၁ ဇွန်းတို့ လိုပါတယ်။

ပါဝင်ပစ္စည်းအားလုံးကို ရောခလောက်ပြီးမွှေလို့လည်းရသလို Blender ထဲ ထည့်မွှေလည်း ရပါတယ်။ ပြီးရင်တော့ ဦးရေပြားနဲ့ ဆံသားအနှံ့လိမ်းပေးပြီး ၅ မိနစ်ပဲထားပါ။ အချိန်ပြည့်ရင် ခေါင်းလျှော်ပေးလိုက်ရုံပါပဲ။

ထောပတ်သီး Hair Mask

ထောပတ်သီးအမှည့် အလုံးအသေး – ၁ လုံး၊ နွားနို့ – ခွက်တစ်ဝက်စာ၊ သံလွင်ဆီ – စားပွဲတင်ဇွန်း ၁ ဇွန်းနဲ့ Almond Oil – စားပွဲတင်ဇွန်း ၁ ဇွန်းတို့ လိုပါတယ်။

ပါဝင်ပစ္စည်းအားလုံးကို Blender ထဲထည့်ပြီး Smooth ဖြစ်အောင် မွှေပေးပါ။ ပြီးရင်တော့ ဆံပင်အရင်းကနေ အဖျားအထိ လိမ်းပေးပြီး ၁၅ မိနစ်ထားပါ။ အချိန်ပြည့်မှ ခေါင်းလျှော်လိုက်ရုံပါပဲ။

ဒိန်ချဉ် Hair Mask