အခုနောက်ပိုင်း ပျိုမေအများစုဟာ နေထိုင်မှု ပုံစံ၊ အိပ်ချိန်၊ နေရောင်ခြည်၊ အသုံးပြုတဲ့ Product စတဲ့ အကြောင်းအမျိုးမျိုးကြောင့် ချွေးပေါက်ကျယ်လာတတ်ကြပါတယ်။ ချွေးပေါက်ကျယ်လာတဲ့အခါ အညစ်အကြေးတွေက အလွယ်တကူ ဝင်နိုင်တဲ့အပြင် မိတ်ကပ်လိမ်းတဲ့အခါမှာ မိတ်ကပ်က ချွေးပေါက်ထဲ ဝင်ကာ Clear Glow Makeup ကို မရနိုင်သလို အလွယ်တကူ အဆီဖု ဖြစ်နိုင်ပါတယ်။ ဒါ့အပြင် ချွေးပေါက်က Clear Glow Skin ကို ပိုင်ဆိုင်ချင်တဲ့ ပျိုမေတို့အတွက်တော့ အိပ်မက်ဆိုးတစ်ခုပါပဲ။ ဒီတစ်ခေါက်မှာတော့ ချွေးပေါက်ကျယ်တဲ့ ပျိုမေတို့ရဲ့ အသားအရေထဲကို နက်ရှိုင်းစွာ ဝင်ရောက်ပြီး Clean လုပ်ပေးနိုင်မယ့် DIY Face Mask တစ်မျိုးကို ဖော်ပြပါရစေ။
ဒီအတွက် လိုအပ်တဲ့ ပါဝင်ပစ္စည်းတွေက အသားအရေအတွက် အထူးကောင်းမွန်တဲ့အပြင် အလွယ်တကူ ရနိုင်တဲ့ ပစ္စည်းတွေ ဖြစ်ပါတယ်။
ပြုလုပ်ပုံ
သန့်စင်တဲ့ ခွက်တစ်ခွက်ထဲကို Green Tea ထည့်ပေးရပါမယ်။ Green Tea က ဝက်ခြံဖြစ်လွယ်တဲ့ အသားအရေအတွက် အထူးအကျိုးရှိပါတယ်။ အသားအရေ ပျက်စီးခြင်းကို Green Tea က ကာကွယ်ပေးနိုင်ပြီး အယောင်အယမ်း ကျစေနိုင်ပါတယ်။\
နောက်ထပ် ဒီထဲကို ထည့်ပေးရမှာကတော့ Rice Flour ဆန်မှုန့်ပါ။ Rice Flour က အသားအရေကို အရွယ်တင် နုပျိုစေပြီး အိုမင်းရင့်ရော်ခြင်းကို နှေးကွေးစေနိုင်ပါတယ်။ ဒါ့အပြင် ချွေးပေါက်တွေထဲက အညစ်အကြေးတွေ၊ ဆဲလ်သေတွေကို ကွာကျစေပြီး အသားပိုလင်းလာစေနိုင်ပါတယ်။
နောက်ဆုံး ထည့်ပေးရမှာကတော့- ဒိန်ချဉ်ပါ။ ဒိန်ချဉ်ရဲ့ အသားအရေအတွက် ကောင်းကျိုးတွေကတော့- ဒိန်ချဉ်က အသားအရေကို အစိုဓာတ် မျှတစေဖို့ ကူညီပေးပါတယ်။ ဒိန်ချဉ်က အရေးအကြောင်းတွေကို လျော့ပါးစေပြီး အသားအရေ ချောမွေ့စေနိုင်ပါတယ်။
ဒီပါဝင်ပစ္စည်း သုံးမျိုးကို ရောမွှေပေးရပါမယ်။ အနှစ်ပုံစံရတဲ့အထိ မွှေပေးရပါမယ်။ ပြီးနောက် ဒီအနှစ်ကို မျက်နှာပေါ် လိမ်းပေးရပါမယ်။ လိမ်းပြီးနောက် ၁၀ မိနစ် ထားပေးရပါမယ်။ ပြီးနောက် ရေဆေးချပေးရပါမယ်။
ရေဆေးချပြီးနောက် သင့်မျက်နှာလေး ပိုသန့်သွားကာ ပိုချောမွေ့ ပိုလင်းလက်သွားတာကို သိသိသာသာ ခံစားမိပါလိမ့်မယ်။
Photo Source: Pinterest
By MyStyle Myanmar
