Exercise Ball နဲ့လေ့ကျင့်ခန်းလုပ်တဲ့အခါမှာ လုပ်ရတာလွယ်ကူပြီး ထိရောက်မှုရှိစေမယ့် လေ့ကျင့်ခန်း ၈ ခုကို မျှဝေပေးလိုက်ပါတယ်။ တစ်ပတ်မှာ ၄ ရက် ၅ ရက်လောက် ဒီလေ့ကျင့်ခန်း ၇ ခုကိုပဲ ပုံမှန်လုပ်ပေးသွားရင်တောင်မှ Body က ပြောင်းလဲလှပလာမှာပါ။ ကျသင့်တဲ့နေရာက အဆီတွေလည်း ကျလာမှာပါ။
Ball Pass
အရင်ဆုံးပထမပုံထဲကလို လက်မြှောက်ပြီး ဘောလုံးကို ခြေထောက်မှာ ညှပ်ပြီးမြှောက်ပါ။ ပြီးတာနဲ့ ဒုတိယပုံထဲကလို ခြေထောက်ကိုလည်း တန်းနေအောင်မြှောက်၊ လက်ကလည်း ဘောလုံးကို ထိအောင်ကိုင်ပါ။ ပြီးတာနဲ့ ဘောလုံးကို လက်နဲ့ယူပြီး တတိယပုံထဲကလို ပြန်လှဲလိုက်ပါ။ အဲ့အတိုင်း အဆင့် ၃ ဆင့်ကို ဖြေးဖြေးချင်းစီ လုပ်သွားပေးပါ။ စုစုပေါင်း ၅ ကြိမ်လုပ်ပေးရင် ရပါပြီ။
Push Up
ခြေထောက်ကို ဘောလုံးပေါ်တင်ပြီး ပုံမှာပြထားသလို လက်နဲ့ကြမ်းပြင်ကို ထောက်ထားပြီး ကွေးလိုက်၊ ပြန်ဆန့်လိုက် လုပ်ပေးရမှာပါ။ ၁၀ ကြိမ်လောက် လုပ်ပေးရင် ရပါတယ်။
Oblique Crunch
ခြေထောက်က ကြမ်းကိုထောက်၊ ခါးက ဘောလုံးမှာမှီထားပြီး ပထမပုံထဲကလို နေပေးပါ။ ပြီးရင် ဒုတိယပုံထဲကလိုထပြီး ခါးကို ဘယ်လှည့်၊ ပြီးရင် ပထမပုံထဲကလိုပြန်လှဲ၊ ဒုတိယပုံထဲကလို ပြန်ထပြီး ခါးကို ညာလှည့်နဲ့ ဘယ်ညာတစ်လှည့်စီ တစ်ဖက်ကို အနည်းဆုံး ၅ ကြိမ်စီ လုပ်ပေးပါ။
Hip Raise
ကြမ်းမှာလှဲပြီး လက်နှစ်ဖက်ကို ဘေးဆန့်ထားပါ။ ခြေထောက်နှစ်ဖက်ကို ဘောလုံးပေါ်တင်ပြီး တင်ပါးနဲ့ခါးကို အပေါ်မြှောက်လိုက်၊ ကြမ်းနဲ့ပြန်ထိလိုက်နဲ့ ၁၀ ကြိမ် လုပ်ပေးရမှာပါ။
Prone Cobra
ဘောလုံးကို ဗိုက်အောက်ထားပြီး ပထမပုံထဲကလို နေပေးပါ။ ပြီးမှ ဒုတိယပုံထဲကလို Body နဲ့ ခြေထောက်ကို တစ်တန်းတည်းဖြစ်နေအောင် နေပေးပါ။ အဲ့အတိုင်း ၁၀ ကြိမ် လုပ်ပေးရင် ရပါပြီ။
Hip Thrusts
ပထမပုံထဲကလို လုပ်ပေးပြီး ဒုတိယပုံထဲကလို ပြောင်းလုပ်ပေးပါ။ ဒုတိယပုံထဲကအတိုင်း လုပ်တဲ့အခါ တင်ပါးက ကြမ်းနဲ့ထိအောင် မထိုင်ရပါဘူး။ ဒါလည်း ၁၀ ကြိမ်ဆို ရပါပြီ။
Arm-Leg Extension
ဗိုက်အောက်နားလောက်မှာ ဘောလုံးကိုထားပြီး ပုံမှာလုပ်ပြထားသလို ဘယ်လက်ဆန့်ထုတ်၊ ညာခြေထောက်မြှောက်၊ ညာလက်ဆန့်ထုတ်၊ ဘယ်ခြေထောက်မြှောက်နဲ့ ဘယ်ညာတစ်လှည့်စီ တစ်ဖက်ကို ၅ ကြိမ် မှ ၁၀ ကြိမ်အထိ လုပ်ပေးရမှာ ဖြစ်ပါတယ်။
