“Forrest Gump” ဟာသဒရာမာ ဇာတ်လမ်းကို Robert Zemeckis က 1994 မှာ ပြသခဲ့တာပါ။ ဒီဇာတ်လမ်းက စာရေးဆရာ Winston Groom ရဲ့ ဝတ္ထုကို အခြေခံရိုက်ကူးထားတာပါ။
20 ရာစုနှစ်တုန်းက သမိုင်းကြောင်း အဖြစ်အပျက်တွေနဲ့အတူ အဓိက ဇာတ်ကောင် “Forrest” အကြောင်းကို စိတ်ဝင်တစား ကြည့်ရှူခဲ့ရတဲ့ ဇာတ်လမ်း ဖြစ်ပါတယ်။
ဇာတ်လမ်းကြိုက် ပရိတ်သတ်တွေဟာ “Forrest Gump” ဇာတ်လမ်းကို တခဲနက် အားပေးခဲ့ကြပြီး ဆုပေါင်း ၂၉ ဆုထိ ရရှိခဲ့ကာ ဇကာတင် ၆၁ ခါ ဝင်ခဲ့ပါတယ်။
ဒါ့အပြင် အော်စကာ ဆုပေါင်း ၆ ဆုလည်း ဒီထဲ ပါဝင်ပါသေးတယ်။
၂၀၂၃ မှာတော့ “Forrest Gump” စပြခဲ့တာ ၂၉ နှစ် ပြည့်သွားပါပြီ။ ၂၉ နှစ်ကြာပြီးနောက် ဇာတ်လမ်းထဲက သရုပ်ဆောင်တွေ ဘယ်လို ပြောင်းလဲသွားပြီလဲ ပရိတ်သတ်တို့ သိချင်မှာပါ။
ဇာတ်လမ်းထဲ Tom Hack ရဲ့ သမီးပါ ဝင်သရုပ်ဆောင်ထားတာကို သင်သိပါသလား။ ဒီတော့ ကြည့်လိုက်ရအောင်-
Tom Hanks — Forrest Gump
Forrest Gump ဇာတ်လမ်း မရိုက်ကူးခင်တည်းက Tom Hanks က နာမည်ကျော် မင်းသားဖြစ်နေပါပြီ။ ဒါပေမဲ့ ဒီဇာတ်လမ်းပြီးနောက်မှာတော့ Tom Hanks က ကမ္ဘာအနှံ့ အောင်မြင်မှု တွေ ရရှိခဲ့ပါတယ်။
မင်းသားကြီး Tom Hanks က July 2022 မှာ အသက် ၆၆ နှစ် ပြည့်ခဲ့ပါတယ်။
Michael Conner Humphreys — Forrest Gump ကလေး သရုပ်ဆောင်
Forrest အငယ်လေးအနေနဲ့ သရုပ်ဆောင်တဲ့ Michael Conner Humphrey က ဒီဇာတ်လမ်းပြီးနောက် ရုပ်ရှင်ကားတွေထဲ မပါတော့ဘဲ ကျောင်းပြဇာတ်တွေမှာ ပါဝင်ခဲ့ပါတယ်။
2020 တည်းက Michael Conner Humphrey က Online Tutor လုပ်ခဲ့ပါတယ်။ March လ 2022 မှာတော့ သူက အသက် ၃၇ နှစ် ပြည့်ခဲ့ပါတယ်။
Sally Field — Mrs. Gump
Sally Field က 1965 တည်းက စတင် မင်းသမီးလုပ်ခဲ့တာပါ။ သူမ ပါဝင်ခဲ့တဲ့ ဇာတ်ကားတိုင်းလိုလိုက အောင်မြင်မှု ရခဲ့ပြီး လူသိများတဲ့ ဇာတ်လမ်းတွေကတော့ Mrs. Doubtfire (1993), Forrest Gump (1994), နဲ့ The Amazing Spider-Man (2012) (အန်တီ မေ အနေနဲ့) တို့ ဖြစ်ပါတယ်။ နိုဝင်ဘာ 2022 မှာတော့ မင်းသမီးကြီး Sally Field က 76 နှစ်ပြည့်မွေးနေ့ကို ကျင်းပခဲ့ပါတယ်။
Hanna R. Hall — Jenny Curran ကလေးသရုပ်ဆောင်
Forrest Gump က Hanna R ရဲ့ ပွဲဦးထွက် ဇာတ်လမ်းပါ။ သူမက ဒီဇာတ်လမ်းပြီးနောက် ဇာတ်ကားများစွာမှာ သရုပ်ဆောင်ခဲ့ပါတယ်။ သူမက LA မှာ Theater Director အနေနဲ့ လုပ်ကိုင်နေပါတယ်။ 2022 မှာ Hanna က အသက် ၃၈ ပါ။
Robin Wright — Jenny Curran
Robin Wright က Forrest Gump ရဲ့ အသည်းအသက်လေး Jenny အနေနဲ့ သရုပ်ဆောင်ခဲ့ပါတယ်။ သူမက ဒီမတိုင်ခင်တည်းက စတားတစ်ဦး ဖြစ်ကာ နောက်ပိုင်းမှာလည်း အောင်မြင်တဲ့ ဇာတ်ကား အများအပြား ထွက်ရှိခဲ့ပါတယ်။ 2022 April မှာတော့ မင်းသမီး Robin Wright က အသက် ၅၆ ပြည့်ပါပြီ။
Gary Sinise — Lieutenant Dan Taylor
Lieutenant Dan အနေနဲ့ သရုပ်ဆောင်ခဲ့တဲ့ Gary Sinise က Forrest Gump ဇာတ်ကားကြောင့် အကြီးအကျယ် အောင်မြင်ခဲ့ကာ နောက်ထပ် ဇာတ်လမ်းကောင်းများစွာမှာ သရုပ်ဆောင်ခဲ့ပါတယ်။ ပရဟိတ လုပ်ဆောင်မှုကြောင့်လည်း Gary Sinise က လူသိများပါတယ်။ Gary က 2022 March 17 မှာ အသက် ၆၇ ပြည့်ခဲ့ပါပြီ။
Mykelti Williamson — Benjamin Buford Blue (Bubba)
မင်းသား Mykelti Williamson က Forrest Gump မတိုင်ခင်တည်းက နာမည်ကျော် Project တော်တော်များများမှာ ပါဝင်ပြီးနေပါပြီ။ Forrest Gump ကတော့ သူ့ကို Next Level ထိ အောင်မြင်စေခဲ့တဲ့ ဇာတ်လမ်းပါ။ Mykelti Williamson က Bubba ရဲ့ နှုတ်ခမ်းမျိုးရဖို့ ဇာတ်လမ်းထဲ Lip Attachment လုပ်ခဲ့ပါတယ်။ 2022 မှာတော့ Mykelti Williamson က အသက် ၆၅ နှစ် ပြည့်ပြီးပါပြီ။
Sam Anderson — ကျောင်းအုပ်ကြီး Hancock
ကျောင်းအုပ်ကြီး Hancock အနေနဲ့ သရုပ်ဆောင်တဲ့ မင်းသားကြီး Sam Anderson က 2022 ခုနှစ် April ၂ ရက်နေ့မှာ အသက် ၇၅ နှစ် ပြည့်ခဲ့ပါတယ်။
Haley Joel Osment — Forrest Gump Jr.
Forrest Gump ရဲ့ သားလေးအနေနဲ့ သရုပ်ဆောင်ခဲ့တဲ့ Haley Joel Osment ရဲ့ ပွဲဦးထွက် ဇာတ်လမ်းကလည်း Forrest Gump ပါ။ သူက ဇာတ်လမ်းအများအပြားကို သရုပ်ဆောင်ခဲ့ပြီး ၃၄ နှစ်အရွယ်ထိ မင်းသား လုပ်ဆဲပါ။
Siobhan Fallon — Dorothy Harris, school bus driver
Bus Driver Dorothy အနေနဲ့ သရုပ်ဆောင်တဲ့ မင်းသမီး Siobhan Fallon က 2022 မှာ အသက် ၆၁ ပြည့်သွားပါပြီ။
Elizabeth Ann Hanks — ကျောင်းကားပေါ်က မိန်းကလေး
Forrest ကို သူ့ဘေးနား မထိုင်ခိုင်းတဲ့ ကောင်မလေး က အပြင်မှာ Tom Hanks ရဲ့ ပထမ အမျိုးသမီးနဲ့ ရတဲ့ သမီးလေးပါ။ သူမက အသက် ၄၀ ရှိပြီ ဖြစ်ပြီး စာရေးဆရာမ လုပ်နေပါတယ်။
Source: Brighside
By MyStyle Myanmar
