ဘဝမှာဖြစ်ဖြစ် အလုပ်မှာပဲဖြစ်ဖြစ် အဆင်ပြေပြေနဲ့ နေထိုင်နေရပြီဆိုရင် လုံခြုံပြီး သက်တောင့်သက်သာ ရှိတယ်လို့ ခံစားရတတ်ကြပါတယ်။ ဒါပေမယ့် သက်တောင့်သက်သာနဲ့နေရတာ ပိုများလေ၊ လူ့ပတ်ဝန်းကျင်အတွေ့အကြုံနဲ့ အမှန်တကယ် ထိတွေ့ဆက်ဆံဖို့ အခွင့်အလမ်းတွေ ဆုံးရှုံးလေလေပါ။
ဘဝမှာဖြစ်ဖြစ် အလုပ်အတွက်ပဲဖြစ်ဖြစ် အောင်မြင်မှုရဖို့အတွက် Comfort Zone ကနေ ရုန်းထွက်ဖို့ဆို စိတ်အားထက်သန်မှု လိုအပ်ပါတယ်။ ဒါကြောင့် Comfort Zone ကနေ ရုန်းထွက်ဖို့ ဘယ်လိုကြိုးစားရမလဲ?
Comfort Zone မှာနေတာ ကြာလာတာနဲ့အမျှ အမူအကျင့်တွေက အရိုးစွဲနေတတ်ပါပြီ။ ဒါတွေကို ပြောင်းလဲဖို့ဆိုတာကလည်း စိန်ခေါ်မှုတစ်ခုပါပဲ။ ရေရှည်အမူအကျင့်တွေကို ပြောင်းလဲတာကလည်း ပြောင်းလဲလိုစိတ်ပြင်းပြခြင်းရဲ့ ပထမခြေလှမ်းပါပဲ။
Comfort Zone ကနေ ရုန်းထွက်ဖို့ အပြင်ဘက်ကို ပြောင်းရွှေ့ဖို့ စဉ်းစားတိုင်း အဆင်မပြေခဲ့ရင်ဆိုပြီး မသေချာမရေရာမှုကို ကြောက်ရွံ့နေတတ်ပါတယ်။ ဒါကြောင့် Comfort Zone ကနေ ကျော်လွန်သွားနိုင်ဖို့ အကြောက်တရားကို တွန်းလှန်ဖို့ကြိုးစားပါ။
Comfort Zone ကအဆင်ပြေပြီး ဘေးကင်းတာကြောင့် လူတို့ရဲ့သဘာဝအတိုင်း ဒီနေရာမှာဘဲ နေချင်တတ်ကြပါတယ်။ ဒါပေမယ့် ဒီနေရာကနေ မပြောင်းသရွေ့ကတော့ တိုးတက်ဖို့ရှိလာမှာမဟုတ်ပါဘူး။
Comfort Zone မှာနေတာ ကြာလာတဲ့အခါ စွမ်းရည်အသစ်တွေ သင်ယူဖို့ အခွင့်အလမ်းတွေ ရှာဖွေဖို့အတွက် စိတ်အားထက်သန်မှုနည်းလာတတ်ပါတယ်။ ဒါကြောင့် စိန်ခေါ်မှုအသစ်တွေ အောင်မြင်မှုအသစ်တွေရဖို့အတွက် ကိုယ့်ကိုယ်ကို တွန်းအားပေးပြီး Comfort Zone ကနေ ရုန်းထွက်ဖို့ ကြိုးစားသင့်ပါတယ်။
