အားလုံးပဲ မင်္ဂလာပါ။ ဘောင်းဘီရှည်လေးတွေက ပေါ့ပေါ့ပါးပါးနဲ့ ဝတ်ရတာ သက်သောင့်သက်သာရှိတဲ့အပြင် ချစ်သူနဲ့သွားတွေ့တာဖြစ်ဖြစ်၊ အစည်းအဝေးတက်တာဖြစ်ဖြစ်၊ ရုံးသွားမယ်ဖြစ်ဖြစ် အဆင်ပြေလှပါတယ်။
ဘောင်းဘီရှည်ဝတ်ထားတဲ့ ပျိုမေလေးတွေကဆိုရင် ခန္ဓာကိုယ်အချိုးအစားလေးက ပေါ်လွင်နေလို့ ဘယ်အချိန်ပဲ ကြည့်လိုက် ကြည့်လိုက် ဖက်ရှင်ကျတာကတော့ အမှန်ပါပဲ။
သူငယ်ချင်းတွေနဲ့ မုန့်သွားစားတဲ့အချိန်၊ ရုပ်ရှင်သွားကြည့်တဲ့အချိန်၊ လျှောက်လည်တဲ့အချိန်တွေမှာလည်း အလန်းစားစတိုင် ပိုင်ဆိုင်နိုင်အောင် ကူညီပေးမှာပါ။ အထူးသဖြင့် အဖြူရောင် ဘောင်းဘီရှည်လေးတွေပေါ့။
ဒါ့ကြောင့် ဘောင်းဘီရှည်ဝတ်ရတာ နှစ်သက်တဲ့ ပျိုမေလေးတွေအတွက် အဖြူရောင်ဖက်ရှင်လေးတွေကို ဝေမျှပေးလိုက်တယ်နော်။ ပျိုမေလေးတို့ အကြိုက်တွေ့မယ်လို့လည်း မျှော်လင့်မိပါတယ်။
Image Source: Pinterest
